ရန်ကုန်၊ နိုဝင်ဘာ ၉
တနင်္သာရီတိုင်း၊ သရက်ချောင်းမြို့နယ်တွင် ပျူစောထီးအဖွဲ့ဝင်များ လိုက်ပါလာသည့် ကား ၁ စီး မိုင်းဆွဲခံရပြီး ၁ ဦးသေဆုံးကြောင်း သိရသည်။
နိုဝင်ဘာလ ၂ ရက်နေ့ ညနေ ၃ နာရီခန့်တွင် KTV မှ ပြန်လာသည့် ပျူစောထီးများ လိုက်ပါလာသော ကား ၁ စီးကို မိုးရွှေကူးရွာနှင့် ကင်းရှေ့ရွာ အကြားတွင် ဒေသခံ ကာကွယ်ရေး တပ်ဖွဲ့များ မိုင်းဆွဲ တိုက်ခိုက်ခဲ့ပြီး ပျူစောထီးအဖွဲ့ဝင် ကုလာဂျိုး ပွဲချင်းပြီး သေဆုံးခဲ့ကြောင်း သိရသည်။
မိုင်းဆွဲ တိုက်ခိုက်မှု ဖြစ်စဥ်အတွင်း KTV မှ ပျူစောထီးအဖွဲ့ဝင် ကုလားဂျိုး ခေါ်ဆောင်လာသည့် အမျိုးသမီး ၁ ဦးလည်း ပွဲချင်းပြီး သေဆုံးခဲ့ကြောင်း သိရသည်။
ယင်း တိုက်ခိုက်မှုကို ထားဝယ်နဂါး အဖွဲ့တပ်ခွဲ(၂)၊ခွဲ(၅) အပါဝင် ထားဝယ်ခရိုင်တပ်ဦး တပ်ခွဲ(၁)ရှိ ရဲဘော်များ ပူးပေါင်း မိုင်းဆွဲ တိုက်ခိုက်ခဲ့ပြီး မီးရှို့ရှင်းလင်းခဲ့ကြောင်း ထားဝယ်နဂါးအဖွဲ့မှ ထုတ်ပြန်ထားသည်။
