ရန်ကုန်၊ နိုဝင်ဘာ ၁၃
ရန်ကုန်တိုင်း၊ သာကေတမြို့နယ်၊ မာန်ပြေ ၁၄ လမ်းတွင် ယနေ့ နံနက် ၈ နာရီမှစတင်၍ နေအိမ်တချို့မီးလောင်ခဲ့ပြီး နာရီဝက်အကြာတွင် မီးငြိမ်းသတ်နိုင်ခဲ့ကြောင်း ဒေသခံများက ရန်ကုန်ခေတ်သစ်သတင်းဌာနထံသို့ ပြောဆိုသည်။
“မီးလောင်တာက ၃ စျေးရဲ့ အနောက်ပေါက်၊ ၁၄ လမ်းမှာ။ မီးခိုးတွေ အတော်များတယ်။ အိမ် ၂ လုံးလောက်တော့ ကုန်သွားလောက်မယ်။ အခုမီးညွန့်ကျိုးသွားပါပြီ။ မီးသတ်ကား တွေလည်းလာပါတယ်။ အခုက လျှပ်စစ်မီးတွေက ပြတ်လိုက် လာလိုက် အရမ်းဖြစ်တော့ မီးပြတ်တဲ့အချိန်မှာ မီးခလုတ်တွေ ပိတ်ဖို့ မေ့တာတွေလည်း အရမ်းဖြစ်တယ်။ ဘာကြောင့်လောင်လဲတော့မသိသေးဘူး။ ပြေးရပြီ ထင်လို့ အထုပ်ထုပ်ထားရတာ။ အခု ငြိမ်းသလောက် ရှိနေပါပြီ” ဟု ဒေသခံတစ်ဦးက ပြောသည်။
သာကေတမြို့နယ်၊ ၃ ရပ်ကွက်၊ မာန်ပြေ ၁၄ လမ်းသည် လူနေထူထပ်ပြီး အိမ်များနှင့် တိုက်များမှာလည်း အလွန်ကပ်ရပ် တည်ရှိသော ရပ်ကွက်တစ်ခုလည်းဖြစ်သည်။
