ရန်ကုန်၊ ဒီဇင်ဘာ ၇
မကွေးတိုင်း၊ ပေါက်မြို့နယ်၊ လယ်လန်းရွာကို အကြမ်းဖက် စစ်တပ်က ယနေ့ ညပိုင်းတွင် မီးရှို့ဖျက်ဆီးနေကြောင်း ဒေသခံ ပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။
ဒီဇင်ဘာလ ၇ ရက်နေ့ ည ၇ နာရီ ၄၅ မိနစ်တွင် အကြမ်းဖက် စစ်တပ်က လယ်လန်းကျေးရွာကို ဝင်ရောက် စီးနင်း မီးရှို့နေခြင်း ဖြစ်ကြောင်း သိရသည်။
” ဘာတိုက်ပွဲမှ မရှိဘဲ စစ်ခွေးတွေက မီးတင်ရှို့နေတာ လယ်လန်းကျေးရွာကို ည ၇ နာရီ ၄၅ မိနစ်က စရှို့နေတာ ပြည်သူတွေကတော့ ရွာလုံးကျွတ် ထွက်ပြေးနေရတယ်” ဟု ဒေသခံ ပြည်သူ တစ်ဦးကပြောဆိုသည်။
