ရန်ကုန်၊ ဒီဇင်ဘာ ၁၄
ရန်ကုန်တိုင်း၊ ဒဂုံမြို့သစ်တောင်ပိုင်း တပ်ရင်း ၃ အနီးတွင် ယနေ့ည ဗုံး ၂ လုံးပေါက်ကွဲခဲ့ကြောင်း ဒေသပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။
ဒီဇင်ဘာလ ၁၄ ရက်နေ့ည ၉ နာရီ ၃၀ မိနစ်ခန့်တွင် တောင်ဒဂုံရှိ အကြမ်းဖက် စစ်တပ် တပ်ရင်း ၃ အနီး၌ ကျယ် လောင်သော ဗုံး ၂ လုံးပေါက်ကွဲခဲ့ခြင်း ဖြစ်ကြောင်း သိရသည်။
“အုန်းခနဲ အသံအကျယ်ကြီး ၂ ချက်ကြားတယ်။ အရှေ့ဒဂုံမှာ အိမ်တွေပါ တုန် တယ်။ တပ်ရင်း ၃ နားမှာပေါက်တာပါ။ အိမ်ပါတုန်တယ်။ ဗုံးပေါက်တဲ့ နေရာက အရှေ့ဒဂုံနဲ့ တောင်ဒဂုံအစပ်။ မြို့နယ်နဲ့ပြောရင်တော့ တပ်ရင်း ၃ က တောင်ဒဂုံ ထဲပါတယ်။ အမှတ် ၂ လမ်းမကြီးနားမှာ ” ဟု ဒေသ ပြည်သူ တစ်ဦးက ပြော ဆိုသည်။
အဆိုပါ ဗုံးပေါက်ကွဲမှု ဖြစ်စဥ်ကြောင့် ထိခိုက်သေဆုံးမှု ရှိ၊ မရှိ မသိကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုကြသည်။
ဓာတ်ပုံ- တောင်ဒဂုံတပ်ရင်း ၃ ဂိတ်မြင်ကွင်း။ (ပုံအဟောင်းဖြစ်သည်)
