ရန်ကုန်၊ ဒီဇင်ဘာ ၁၅
စစ်ကိုင်းတိုင်း၊ တန့်ဆည်မြို့နယ်ရှိ မူးကျင်းစုရွာနှင့် သာဂရရွာကို အကြမ်းဖက် စစ်တပ်က မီးရှို့ဖျက်ဆီးနေကြောင်း သိရသည်။
ဒီဇင်ဘာလ ၁၅ ရက်နေ့ နံနက် ၁၀ နာရီခန့်တွင် အကြမ်းဖက် စစ်တပ်က မူးကျင်းစုရွာကို မီးရှို့ဖျက်ဆီးခဲ့ကြောင်း၊ မွန်းလွဲ ၂ နာရီခန့်တွင် သာဂရရွာကို အကြမ်းဖက် စစ်တပ် တပ်မ ၃၃ လက်အောက်ခံ ခမရ ၃၆၁၊ ၃၆၉ စစ်သားများနှင့် ပျူစောထီးများက ထပ်မံ မီးရှို့ဖျက်ဆီးနေကြောင်း သိရသည်။
” ဒီနေ့ နံနက် ၁၀ နာရီလောက်မှာ မူးကျင်းစုကျေးရွာကို တပ်မ ၃၃ လက်အောက်ခံ ခမရ ၃၆၁၊ ၃၆၉ က စစ်သားတွေနဲ့ ပျူတွေ မီးတင်ရှို့နေပါတယ်။ မွန်းလွဲ ၂ နာရီလောက်မှာ သာဂရရွာကို ထပ်ပြီး မီးရှို့နေတယ်။ ရွာထဲက အခြေအနေတွေတော့ အတည်မပြုနိုင်သေးဘူး။ မီးတော့များတယ်” ဟု ဒေသခံ ပြည်သူ တစ်ဦးကပြောဆိုသည်။
Photo – TCRF (PLA)
