Khit Thit သတင်းဌာန၏ ဒီဇင်ဘာ ၇ ရက် ညနေပိုင်း ရုပ်သံသတင်းအစီအစဉ်

Khit Thit သတင်းဌာန၏ ဒီဇင်ဘာ ၇ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဒီဇင်ဘာ ၇ ရက် ညနေပိုင်းတင်ဆက်ပေးမယ့်သတင်းတွေကတော့ – မန္တလေးမှာ အချုပ်ကား ဗုံးပစ်ခံရမှုဖြစ်စဉ်အတွင်း ဒဏ်ရာရခဲ့တဲ့ ရဲအုပ် ယဉ်ယဉ်အေးနဲ့ ရဲတပ်ကြပ် သန္တာကျော်တို့ဟာ ဆေးကုသမှု ခံယူနေပေမယ့် အခုတော့ သေသွားပြီဖြစ်သလို ၊ ယာဉ်မောင်း ရဲ တပ်သား ပြည်စုံထွန်း ဆိုသူလည်း ခြေထောက်ဖြတ်လိုက်ရတယ်လို့ ရဲသတင်းရင်းမြစ်က ပြောပါတယ်။ -စစ်ကိုင်းတိုင်း၊ ပုလဲမြို့နယ်၊ အင်မထီးရွာက အင်အား ၂၀၀ နီးပါးနဲ့ ထွက်လာတဲ့ အကြမ်းဖက်စစ် ကောင်စီတပ် နဲ့ ပျူစောထီးပူးပေါင်း အဖွဲ့ကို ဒီဇင်ဘာလ ၆ ရက်နေ့က ပြည်သူ့ကာကွယ်ရေးတပ်ဖွဲ့ တွေကနေ ပူးပေါင်း တိုက်ခိုက်ရာမှာ စစ်ကောင်စီဘက်က (၈)ဦးသေ ပြီး ၊ အများအပြားဒဏ်ရာရသွား တယ်လို့ PRA တပ်ဖွဲ့ဆီကနေ သိရပါတယ်။ -မန္တလေးတိုင်း ၊ မတ္တရာမြို့နယ်မှာ ဒီဇင်ဘာလ ၆ ရက်နေ့က အကြမ်းဖက် စစ်ကောင်စီရဲ့ စစ်ကား ၁ စီးကို ဒေသခံကာကွယ်ရေး တပ်ဖွဲ့ကနေ မိုင်းဆွဲတိုက်ခိုက်ရာမှာ စစ်ကောင်စီဘက်က ၃ ဦးသေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။