ခင်ဦးမြို့နယ်တွင် အမျိုးသားညီညွတ်ရေးအစိုးရ၊ တရားရေးဝန်ကြီးဌာန ၊ တရားရေးအဖွဲ့ က တရား စီရင်ရေး စတင်ဆောင်ရွက်
ရန်ကုန်၊ ဇန်နဝါရီ ၂၆
စစ်ကိုင်းတိုင်း၊ ခင်ဦးမြို့နယ်တွင် အမျိုးသားညီညွတ်ရေးအစိုးရ(NUG) တရားရေးဝန်ကြီးဌာန ၊ တရားရေးအဖွဲ့ရုံး ဇန်နဝါရီလ ၂၄ ရက်နေ့တွင် စတင်ဖွင့်လှစ်လိုက်ကြောင်း သိရှိရသည်။
ခင်ဦးမြို့နယ်အတွင်း တရားဥပဒေစိုးမိုးရေးနှင့်တရား စီရင်ရေးများကို နိုင်ငံတကာဥပဒေများ လူအခွင့်အရေးဆိုင်ရာဥပဒေများ နှင့် ဖက်ဒရယ်စနစ် အားမသွေဖယ်သည့် ဥပဒေများဖြင့် စီရင်ဆောင်ရွက်နိုင်ရန် တရားရေးအဖွဲ့ရုံး စတင်ဖွင့်လှစ်လိုက်ခြင်းဖြစ်သည်ဟု သိရှိရသည်။
တရားရေးအဖွဲ့ရုံး ဖွင့်ပွဲ အခမ်းအနားကို ခင်ဦးမြို့ နယ် အုပ်ချုပ်ရေး ခေါင်းဆောင်နှင့်အတူ အုပ် ချုပ် ရေးအဖွဲ့တာဝန်ခံအသီးသီး၊ ပြည်သူ့ကာကွယ်ရေးအဖွဲ့ အခေါင်းဆောင် နှင့်အတူ တိုက်နယ်ခေါင်း ဆောင်များ ရပ်/ ကျေး ပကဖများ တက်ရောက် ကြကြောင်း သိရှိရသည်။
