“အမှုလက်ခံ စုံစမ်းစစ်ဆေးတာတွေ Confirm ဖြစ်ပြီဆိုရင် တရားရုံးကို ဆွဲ တင်ဖို့ မင်းအောင်လှိုင်၊ စိုးဝင်း အပါအဝင် ကျူးလွန်သူမှန်သမျှ ဖမ်းဆီး တာ ပဲဖြစ်ဖြစ်၊ ဖမ်း၀ရမ်း ထုတ်တာပဲဖြစ်ဖြစ် နိုင်ငံတကာအင်တာပိုလ်နဲ့ ဥရောပ ရဲတပ်ဖွဲ့ကနေတစ်ဆင့် ဒီလူတွေရဲ့ အချက်အလက်ကို ပေးထားပြီး နိုင်ငံ ထဲ ဝင်လာလို့ရှိရင် ရှာဖွေတာပဲဖြစ်ဖြစ် ဖမ်းဆီးတာပဲဖြစ်ဖြစ် လုပ်လို့ ရတယ်”
ဂျာမနီတွင် စစ်ကောင်စီကို အမှုဖွင့်လိုက်သော Fortify Rights မှ ဒါရိုက်တာ ဘုတ်အဖွဲ့ဝင် နစ်ကီဒိုင်းမွန်းနှင့်တွေ့ဆုံမေးမြန်းခြင်း
မင်းအောင်လှိုင်၊ စိုးဝင်း အပါအဝင် စစ်ဗိုလ်ချုပ်တွေနဲ့ အပေါင်းအပါတွေကို လူမျိုးတုန်း သတ်ဖြတ်မှု၊ စစ်ရာဇ၀တ်မှု၊ လူသားမျိုးနွယ်အပေါ် ကျူးလွန်မှုများ အတွက် အရေးယူရန် ဂျာမနီနိုင်ငံမှာ တိုင်ကြားချက် ဖွင့်လှစ်လိုက်ပါတယ်။
အဲဒီတိုင်ကြားချက်ကို ဂျာမနီနိုင်ငံက လက်ခံရင် အင်တာပိုလ်မှ တစ်ဆင့် မြန်မာ စစ်ဗိုလ်ချုပ်တွေကို ဖမ်းဆီး အရေးယူနိုင်မှာ ဖြစ်ပါတယ်။ အဲဒီတိုင်ကြားချက်ကို လူ့အခွင့် အရေး အဖွဲ့တစ်ခုဖြစ်တဲ့ Fortify Rights က ဦးဆောင် တိုင်ကြားလိုက်တာဖြစ်ပါတယ်။
ဘယ်လိုတွန်းအားတွေကြောင့် တိုင်ကြားရတာလဲဆိုတာလဲ၊တိုင်ကြားချက် အခြေအနေကရော ဘယ်လိုရှိလဲနေလဲ။ ဘယ်သူတွေအရေးယူခံရနိုင်လဲ အပါအဝင် နောက်ဆက်တွဲအခြေအနေတွေ ဘယ်လိုရှိလာနိုင်လဲဆိုတာကို သိရအောင် Fortify Rights မှ ဒါရိုက်တာဘုတ်အဖွဲ့ဝင် နစ်ကီဒိုင်းမွန်း ကို ရန်ကုန်ခေတ်သစ်က တွေ့ဆုံ မေးမြန်းထားပါတယ်။
