“ဘယ်သူမှ ထင်မှတ်မထားလောက်တဲ့ ရာထူးကြီးကြီးတွေတောင်မှ ဆက်သွယ်ပြီးတော့ ဖရဲသီးအနေနဲ့ သတင်း တွေပေးနေတာတွေတောင်ရှိနေပါတယ်။”
အမျိုးသားညီညွတ်ရေးအစိုးရ ပြည်ထောင်စုဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ် နှင့်တွေ့ဆုံမေးမြန်းခြင်း
By ရန်ကုန်ခေတ်သစ်
အမျိုးသားညီညွတ်ရေးအစိုးရ ရဲ့စာရင်းတွေအရ စစ်တပ်အာဏာသိမ်းထားတဲ့ ၂ဝ၂၁ ဖေဖော်ဝါရီ ၁ရက်နေ့ကစလို့ ၂၁ လအတွင်း အာဏာဖီဆန်ရေးလှုပ်ရှားမှု CDM မှာ ပါဝင်လာတဲ့ ရဲနဲ့ စစ်သည်အရာရှိ တစ်သောင်းနှစ်ထောင်ကျော် ရှိနေပြီဖြစ်ပါတယ်။
ဒီကြားထဲမှာ အကြောင်းအမျိုးမျိုးကြောင့် ပြည်သူ့ဘက်ကို မကူးပြောင်းနိုင်သေးတဲ့ စစ်ကောင်စီတပ်ဖွဲ့ဝင် တွေလည်း အမြောက်အများရှိနေပါတယ်။ဒီလိုအချိန်မှာ အမျိုးသားညီညွတ်ရေးအစိုးရကလည်း ပြည်သူ့ဘက်ကိုရပ်တည်ပြီး ပြည်သူ့ရင်ခွင်မခိုလှုံနိုင်သေးရင်လည်း ပြည်သူ့အမာခံသတင်း ပေးအဖြစ် ပူးပေါင်းနိုင်တယ်လို့ ဖိတ်ခေါ်ထားပါတယ်။
အမျိုးသားညီညွတ်ရေးအစိုးရရဲဖိတ်ခေါ်ချက်အပေါ် ဘယ်လိုတုံ့ပြန်မှုတွေရှိနေပါသလဲ။ ပြည်သူ့ရင်ခွင်ခိုလှုံ လာသူတွေရဲ့ အခြေအနေတွေကရော ဘယ်လိုရှိနေလဲ။အမာခံသတင်းပေးပို့သူတွေနဲ့ ပြည်သူ့ရင်ခွင်ခိုလှုံ သူတွေဟာ တော်လှန်ရေးကာလနဲ့ တော်လှန်ရေးအလွန်ကာလမှာ NUG ကာကွယ်ရေးဝန်ကြီးဌာနရဲ့ ဘယ်လိုအကာအကွယ်ပေးမှုတွေ တခြားသောအကျိုးခံစားခွင့်တွေဘယ်လိုရှိနေလဲဆိုတာ သိရအောင် အမျိုးသားညီညွတ်ရေးအစိုးရ ပြည်ထောင်စုဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ် နဲ့ ဆက်သွယ် မေးမြန်းထားပါတယ်။
