မုံရွာ-ပုသိမ် လမ်းပိုင်းရှိ ရွာများကို စစ်တပ်က ဝင်ရောက်စီးနင်းနေပြီး ရွာ ၁၁ ခုမှ ပြည်သူ ၁၀၀၀၀ ကျော် ထွက်ပြေးနေရ
ရန်ကုန်၊ ဇန်နဝါရီ ၂၄
မုံရွာ-ပုသိမ် လမ်းပိုင်းရှိ ရွာများကို အကြမ်းဖက် စစ်တပ်က ဝင်ရောက်စီးနင်းနေပြီး ရွာ ၁၁ ခုမှ ပြည်သူ ၁၀၀၀၀ ကျော် ထွက်ပြေးနေရကြောင်း ဒေသခံပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။
ဇန်နဝါရီလ ၂၄ ရက်နေ့ မွန်းလွဲ ၁၂ နာရီခန့်က စတင်ကာ အကြမ်းဖက် စစ်တပ်က ယင်းမာပင် အရှေ့ခြမ်းနှင့် ဆားလင်းကြီး မြောက်ခြမ်း မုံရွာ-ပုသိမ် လမ်းပိုင်းရှိ ကျေးရွာ ၁၁ ခုကို ဝင်ရောက် စီးနင်းနေခြင်းဖြစ်ကြောင်း သိရသည်။
” ဒီနေ့ မွန်းလွဲ ၁၂ နာရီလောက်က စပြီး ယင်းမာပင် အရှေ့ခြမ်းနဲ့ ဆားလင်းကြီး မြောက်ခြမ်းမှာရှိတဲ့ မုံရွာ-ပုသိမ် လမ်းဘေး ဝဲယာက ရွာ ၁၁ ခုကို စစ်ခွေးတွေ ဝင်ရောက်စီးနင်းနေတာ ပြည်သူ ၁၀၀၀၀ ကျော်က ထွက်ပြေး တိမ်းရှောင်နေရတယ်” ဟု ဒေသခံပြည်သူများက ပြောဆိုသည်။
