ဖားကန့်ရှိ စစ်တပ်စခန်းနှစ်ခုကို KIA နှင့် PDF ပူးပေါင်းတပ်များ တိုက်ခိုက်မှု စစ်သားထိခိုက်သေဆုံးမှုများပြားပြီး လက်နက်ခဲယမ်း များ သိမ်းဆည်းရရှိ
ရန်ကုန်၊ ဇန်နဝါရီ ၂၆
ကချင်းပြည်နယ်၊ ဖားကန့်မြို့နယ်အတွင်းရှိ အကြမ်းဖက်စစ်တပ်စခန်း နှစ်ခုကို KIA ၊ PDF တပ်ဖွဲ့ကယနေ့ ဝင်ရောက်တိုက်ခိုက်ခဲ့ရာ အကြမ်းဖက်စစ်သားများ ထိခိုက်သေဆုံးမှုများ ပြီး လက်နက်ခဲယမ်းများ သိမ်းဆည်းရရှိခဲ့ကြောင်း ဒေသ တွင်းသတင်းရင်းမြစ်ထံမှ သိရသည်။
ယနေ့ ဇန်နဝါရီလ ၂၆ ရက် နံနက် ၄ နာရီ ၃၅ မိနစ်တွင် ဖားကန့်မြို့နယ်၊ တာမခံ၊ ဆယ်ဇင်းကျေးရွာတို့ တွင် SNA နှင့် စစ်ကောင်စီတပ်များ ပူးပေါင်း တပ်စွဲထားသော စစ်တပ်စခန်း ကို KIA တပ်မဟာ ၉ ၊ တပ်ရင်း ၂၆ တပ်ဖွဲ့ ဝင်များက ဝင်ရောက်တိုက်ခိုက်ခဲ့ရာ အကြမ်းဖက်စစ်သားများ လက်နက် စွန့် ပစ် ကာ ထွက်ပြေး သွားကြောင်း သိရသည်။
အဆိုပါတိုက်ခိုက်မှုအတွင်း အကြမ်းဖက်စစ်တပ်မှ လက်နက်ခဲယမ်းများ အပါ အဝင် ရိက္ခာများကို သိမ်း ဆည်းရရှိခဲ့ပြီး အကြမ်းဖက်စစ်သားများလည်း ထိ ခိုက် သေဆုံးမှုအများအပြားရှိခဲ့ကြောင်း သိရသည်။
အလားတူ ယနေ့ နံနက် ၄ နာရီခန့်က ဖားကန့်မြို့နယ်၊ ကာမိုင်းမြို့၌ အထိုင်ချ တပ်စွဲထားသော အကြမ်း ဖက်စစ်တပ် ဗျူဟာကုန်းနှင့် နမ့်ဆိုင်တပ်စခန်း နှစ်ခုကို KIA တပ်မဟာ ၉ တပ်ရင်း ၄၄ တပ်ဖွဲ့များက တိုက်ခိုက်ခဲ့ကြောင်း သိရသည်။
ယင်းတိုက်ခိုက်မှုကြောင့် အကြမ်းဖက်စစ်သားများ ထိခိုက်သေဆုံးမှုများပြား နေပြီး စစ်ကူအမြန်ပေးရန် တောင်းဆိုနေကြောင်း၊ မြေပြင်စစ်ရေး တင်းမာ နေပြီး အကြမ်းဖက်စစ်သား ထိခိုက်သေဆုံးမှုမသိရသေး ကြောင်း KIA သတင်း ရင်းမြစ်က ပြောကြားသည်။
