Khit Thit သတင်းဌာန၏ ဇန်နဝါရီ ၂၇ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဇန်နဝါရီ ၂၇ ရက် ညနေပိုင်း တင်ဆက်ပေးမယ့်သတင်းတွေကတော့
-အကြမ်းဖက် စစ်ခေါင်းဆောင် မင်းအောင်လှိုင်က ပြည်တွင်းက ရေဒီယို နဲ့ ရုပ်သံလိုင်းတွေ အားလုံးမှာ သီတဂူရဲ့ အပြင်အောင်ခြင်းရှစ်ပါး၊ အတွင်းအောင်ခြင်း ရှစ်ပါး တရားကို ယတြာ အနေနဲ့ ထုတ်လွှင့်ခိုင်း နေတဲ့အပြင် ၊ဒီကနေ့ ဇန်နဝါရီ ၂၇ ရက်နေ့က စပြီး ၊ ရုပ်သံလိုင်းအားလုံး၊ ရေဒီယို လိုင်းအားလုံးမှာ တစ်နေ့ကို ၃ ကြိမ် စတင် ထုတ်လွှင့်နေတယ်လို့ စစ်တပ် သတင်းရင်းမြစ်က ပြောပါတယ်။
– စစ်ကိုင်းတိုင်းခင်ဦးမြို့နယ်၊ အလယ်လျှို-ကျေးရွာကို ၁၀ ဘီးကားနဲ့ ခိုးကြောင် ခိုးဝှက်လာတဲ့ အကြမ်းဖက် စစ်ကောင်စီ စစ်ကြောင်း မိုင်းထိသွားပြီးတော့ စစ်ကောင်စီတပ်သား ထိခိုက်သေဆုံး မှုတွေရှိသလို မိုင်းထိတဲ့ ကား နဲ့ ကျည်ဆန်အချို့အပြင် စစ်အသုံးအဆောင်တွေကို သိမ်းဆည်း ရမိခဲ့တယ်လို့ Mother hero Local PDF ရဲ့ တာဝန်ရှိသူတစ်ဦးက ပြောပါတယ်။
– မကွေးတိုင်း၊ ပခုက္ကူမြို့ပေါ်မှာရှိတဲ့ အကြမ်းဖက် စစ်ကောင်စီလက်အောက်ခံ လဝကရုံးကို ဇန်နဝါရီလ ၂၆ ရက်နေ့က ပြည်သူ့ကာကွယ်ရေးတပ်ဖွဲ့တွေကနေ လက်ပစ်ဗုံးနဲ့ ဖောက်ခွဲတိုက်ခိုက်ရာမှာ စစ်ကောင်စီဘက်က ရုံးစောင့် ရဲ နဲ့ ပျူစော ထီး ၇ ဦး ဒဏ်ရာရသွားတဲ့သတင်းအပါအဝင် နောက်ဆုံးရသတင်းတွေကိုတင်ဆက်ပေးပါမယ်။
