ကလောနှင့်ဟဲဟိုးမှ တပ်များကို စစ်သား၊ လက်နက်အင်အား အပြည့်အစုံဖြင့် ရွှေ့ပြောင်းမှုများလုပ်နေ ၊ စစ်အုပ်ချုပ်ရေးကြေညာထားသော စစ်ကိုင်းနှင့် မကွေးဘက်သို့ ဦးတည်နိုင်ပြီး အင်အား ၅၀၀ နှင့် ၁၀၀၀ အကြားရှိ
ရန်ကုန်၊ ဖေဖော်ဝါရီ ၂၃
ရှမ်းပြည်နယ်၊ ကလောနှင့်ဟဲဟိုးဘက်မှ ယနေ့ နံနက်ပိုင်း စစ်ကားများစွာကို စစ်သား အင်အား အပြည့်အစုံ ၊ လက်နက်အပြည့်အစုံဖြင့် ရှေ့တန်းထွက်ခွာ လာကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဖေဖော်ဝါရီလ ၂၃ ရက်နေ့ နံနက်အစောပိုင်းမှစတင်ပြီး ကလောနှင့်ဟဲဟိုးမှ တပ်များကို စစ်ကားများဖြင့် လက်နက်အပြည်အစုံ တင်၍ ထွက်ခွာလာ သည် ကိုမြင်တွေ့ရကြောင်း ဒေသပြည်သူများက ရန်ကုန်ခေတ်သစ် သတင်းဌာန ထံသို့ ပြောဆိုသည်။
“တောင်ကြီးကနေ ကလောဖက်အသွား စစ်ခွေးကားတွေ အတော်များတယ်။ ၅၀ ကျော်လောက်တယ်။ ကားတိုင်းမှာ စစ်သားအပြည့်၊ လက်နက် အပြည့် အစုံ ပါတယ်။ ကလောမြို့ ၁၁၂ တပ်ရင်းရှေ့မှာလည်း စစ်ခွေးကား ၃၀ ကျော် တယ်။ အင်အား ၃၀၀ လောက်ရှိတယ်။ ဟဲဟိုးဘက်ကလည်း စစ်ကား ၂၀ လောက် ဆင်းလာတယ်။ ကလောနဲ့ ဟဲဟိုးက တပ်ကတွေ အကုန် ထွက် လာ တာ။ အင်အားတော်တော်များပါတယ်။ ကရင်နီ ဘက် သွားတာ မဟုတ်တာ တော့သေချာပါတယ်။ စစ်ကိုင်းနဲ့ မကွေးဘက်လို့ သိရတယ်။ ” ဟု ဒေသ ပြည်သူ တစ်ဦးက ပြောသည်။
ရန်ကုန်ခေတ်သစ်သတင်းဌာနထံသို့ ပေးပို့လာသော ပြည်သူများ၏ သတင်း ပေးပို့ချက်များအရ ကလောနှင့် ဟဲဟိုးတပ်များမှ တပ်ပြောင်းရွှေ့မှုသည် အင်အား ၅၀၀ ကျော်နှင့် ၁၀၀၀ အကြားရှိနိုင်ကြောင်း သိရှိရသည်။
အကြမ်းဖက်စစ်ကောင်စီက စစ်ကိုင်းတိုင်းအတွင်းရှိ မြို့နယ် ၁၄ ခု ၊ မကွေး တိုင်းအတွင်းရှိ မြို့နယ် ၅ ခုကို စစ်အုပ်ချုပ်ရေး ကြေညာထားသည်။
ဓာတ်ပုံ- ယနေ့ နံနက်ပိုင်း ကလောဘက်မှ ဆင်းနေသော စစ်ကားများ။
