31 C
Yangon

ခင်ဦးတွင် စစ်အုပ်ချုပ်ရေးကြေညာပြီး ၉ ရက်အတွင်း ကျေးရွာ ၇ ရွာထက်မနည်းကို စစ်တပ်က မီးရှို့ ဖျက်ဆီး၊ မြောင်မြို့နယ်တွင်လည်း ပြည်သူများ ထွက်ပြေးနေရ

Must read

ခင်ဦးတွင် စစ်အုပ်ချုပ်ရေးကြေညာပြီး ၉ ရက်အတွင်း ကျေးရွာ ၇ ရွာထက်မနည်းကို စစ်တပ်က မီးရှို့ ဖျက်ဆီး၊ မြောင်မြို့နယ်တွင်လည်း ပြည်သူများ ထွက်ပြေးနေရ

ရန်ကုန်၊ ဖေဖော်ဝါရီ ၁၅

စစ်ကိုင်းတိုင်း၊ ခင်ဦးမြို့နယ်ကို အကြမ်းဖက်စစ်ကောင်စီက စစ်အုပ်ချုပ်ရေးကြေညာပြီးနောက် စစ်တပ် က ၉ ရက်အတွင်း ကျေးရွာ ၇ ရွာထက်မနည်းကို စစ်ကြောင်းထိုးဝင်ရောက်ကာ မီးရှို့ဖျက်ဆီးနေ ကြောင်း ခင်ဦးမြို့နယ်သတင်းမှန်ပြန်ကြားရေးထံမှ သိရသည်။

ဖေဖော်ဝါရီလ ၂ ရက်နေ့တွင် အကြမ်းဖက်စစ်ကောင်စီက မြို့နယ်ပေါင်း ၃၇ မြို့နယ် စစ်အုပ်ချုပ်ရေး ကြေညာခဲ့ရာ ခင်ဦးမြို့နယ်အတွင်းရှိ ကျေးရွာများကို နေ့စဉ်နှင့်အမျှ စစ်ကြောင်းထိုးဝင်ရောက်နေပြီး သေနပ်စိန်ကျေးရွာစောကြီးကျေးရွာတို့ကို မီးရှို့ဖျက်ဆီးခဲ့ကြောင်း၊ ဒေသခံပြည်သူ ထောင်ပေါင်းများစွာ လည်း စစ်ဘေးလွတ်ရာထွက်ပြေးတိမ်းရှောင်နေရပြီး အရေးပေါ် စားနပ်ရိက္ခာ၊ အဝတ်အစား၊ အသုံး အဆောင်ပစ္စည်းများလိုအပ်လျက်ရှိကြောင်း သိရသည်။

စစ်ဘေးရှောင်တွေထဲမှာ ကိုယ်ဆောင် မိခင်တွေ၊ သွေးသားနုမိခင်တွေပါတယ်၊ တောထဲမှာ ယာယီထန်း ရွက်တဲထိုးနေကြရတာ၊ အဲဒီထန်းရွက်တဲတွေကိုလည်း စစ်ခွေးတွေက ထပ်မီးရှို့ဖျက်ဆီးတယ်၊ တောထဲ မှာ ဖြစ်သလိုနေရတော့ အစစအရာရာလိုအပ်ချက်တွေဖြစ်ပေါ်နေတယ်၊ နေစရာ၊ စားဝတ်နေရေး အရေး ပေါ်လိုအပ်နေတာပါ၊ လူသားချင်းစာနာမှုအကူအညီတွေ ဆက်သွယ်ကူညီပေးကြပါလို့ မေတ္တာရပ်ခံပါ တယ်” ဟု ခင်ဦးမြို့နယ်သတင်းမှန်ပြန်ကြားရေးက ပြောကြားသည်။

ဖေဖော်ဝါရီလ ၁၃ ရက်နေ့ကလည်း မင်းကံကြီးကျေးရွာ၊ လက်ပံလှကျေးရွာ၊ လောင်းရှည် ကျေးရွာ ပြည်သူပိုင်နေအိမ်များကို အကြမ်းဖက်စစ်တပ်မှ ဝင်ရောက်မီးရှို့ဖျက်ဆီးခဲ့ပြီး အဆိုပါစစ် ကြောင်းမှာ လောင်းရှည်ကျေးရွာတွင် ရှိနေသေးသဖြင့် အနီးအနားဝန်းကျင် ကျေးရွာ ၅ ရွာမှ ပြည်သူ များမှာ ထွက်ပြေးတိမ်းရှောင်နေကြရကြောင်း သိရသည်။

ထို့အတူ မြောင်မြို့နယ်၊ မရိုးကုန်းနှင့် ကျီကုန်းကျေးရွာများသည် မြောင်မြို့နှင့် အလွန်နီးကပ်ပြီး အကြမ်းဖက် စစ်ကောင်စီတပ်များ အချိန်မရွေးဝင်ရောက်လာနိုင်သဖြင့် ဘေးလွတ်ကင်းရာ ထွက်ပြေးတိမ်းရှောင်နေရကြောင်း သိရှိရသည်။

- Advertisement -spot_img

More articles

- Advertisement -spot_imgspot_imgspot_imgspot_img

Latest article