စစ်ကောင်စီ၏ ခမရ ၃၀၄ တပ်မှ တပ်သားလင်းထက်အောင်၊ ခလရ ၂၆၈ တပ်မှ တပ်သားအောင်မိုးတို့ လက်နက်ခဲယမ်း အပြည့်အစုံဖြင့် အလင်းဝင်၊ လက်နက်အပြည့်အစုံဖြင့် အလင်းဝင်လျှင် ငွေကျပ် သိန်း ၁၀၀ ချီးမြှင့်မည်

စစ်ကောင်စီ၏ ခမရ ၃၀၄ တပ်မှ တပ်သားလင်းထက်အောင်၊ ခလရ ၂၆၈ တပ်မှ တပ်သားအောင်မိုးတို့ လက်နက်ခဲယမ်း အပြည့်အစုံဖြင့် အလင်းဝင်၊ လက်နက်အပြည့်အစုံဖြင့် အလင်းဝင်လျှင် ငွေကျပ် သိန်း ၁၀၀ ချီးမြှင့်မည်

ရန်ကုန်၊ ဖေဖော်ဝါရီ ၁၄

အကြမ်းဖက်စစ်ကောင်စီ၏ စစ်ကောင်စီ၏ ခမရ ၃၀၄ တပ်မှ တပ်သားလင်းထက်အောင်၊ ခလရ ၂၆၈ တပ်မှ တပ် သား အောင်မိုးတို့ လက်နက်ခဲယမ်း အပြည့်အစုံဖြင့် အလင်းဝင်ကြောင်း ချင်းပြည်သူ့ကာကွယ်ရေးတပ်များ၏ သတင်းထုတ်ပြန်ချက်အရ သိရှိရသည်။

၂၀၂၃ ခုနှစ် ဇန်နဝါရီလ ၃၀ ရက်နေ့ ချင်းပြည်နယ်၊ ကန်ပက်လက်မြို့တွင် ခမရ-၃၀၄ မှ တပ်သား ရဲဘော်လင်းထက်အောင်သည် CDF-Kanpetlet ထံသို့ MA 1 – သေနတ် ၁လက်၊ MAကျည် -၃၃၆တောင့်၊ နင်းမိုင်း -၁လုံး၊ လက်ပစ်မိုင်း -၁လုံး၊ အီနာဂါ -၂လုံး၊ စကားပြောစက် -၁လုံး၊ ကျည်ကာအင်္ကျီ -၁ထည် တို့ဖြင့် အလင်းဝင်လာခဲ့ကြောင်း သိရှိရသည်။

ထို့အတူ ချင်းပြည်နယ်၊ဖလမ်းမြို့နယ် ခလရ ၂၆၈ တပ်မှ အောင်မိုးသည် စစ်ကောင်စီလက်အောက်တွင် ဆက်လက်တာဝန်ထမ်းဆောင်လိုခြင်း မရှိတော့သဖြင့် CNO/CNDF ထံသို့ ၂၀၂၂ ခုနှစ် ဒီဇင်ဘာလ ၂၆ ရက်နေ့တွင် လက်နက်အပြည့်စုံဖြင့် အလင်းဝင်ရောက်ခဲ့ကြောင်း၊ CNO/CNDF က ဖေဖော်ဝါရီလ ၁၃ ရက်နေ့တွင် တပ်သား အောင်မိုးကို ငွေကျပ် သိန်း ၁၀၀ ချီးမြှင့်၍ ဆုကြေးငွေ ချီးမြင့်ကာ လွတ်မြောက်နယ်မြေသို့ ပို့ဆောင်ပေးခဲ့ကြောင်း သိရှိရသည်။

CNO/CNDF အနေဖြင့် စစ်ကောင်စီထံမှလက်နက်အပြည့်အစုံဖြင့် အလင်းဝင်ရောက်လာသော စစ် သား၊ရဲ များအား ယခင်တွင် ၎င်းတို့၏ အသက်မွေးဝမ်းကြောင်းအတွက် သိန်း ၅၀ ဆုချီးမြှင့်ခဲ့ကြောင်း၊ CNO/CNDF အနေဖြင့် လက်နက်အပြည့်စုံနှင့် အလင်းဝင်ရောက်သူအားလုံးကို ၎င်းတို့ အသက်မွေးဝမ်းကြောင်းအတွက် ယခင်ဆုကြေးငွေ ကျပ်သိန်း(၅၀)အပြင် ထပ်တိုးချီးမြှင့်ငွေ ဆုကြေး ကျပ်သိန်း(၅၀)၊စုစုပေါင်း ကျပ်သိန်း (၁၀၀)ထိ ပေးအပ်သွားမည်ဖြစ်ကြောင်း ချင်းအမျိူးသားအဖွဲ့ချူပ်က သတင်းထုတ်ပြန်ထားသည်။