ရေစကြို ၊ ခလရ ၂၅၈ တပ်ထဲမှ အိမ်စီးကား ၃ စီးဖြင့် ထွက်လာသော စစ် ကြောင်းကို မိုင်းဆွဲ တိုက်ခိုက်မှု ကား ၂ စီးပျက်စီး
ရန်ကုန်၊ ဖေဖော်ဝါရီ ၂၃
မကွေးတိုင်း၊ ရေစကြိုမြို့နယ်၊ ခလရ ၂၅၈ တပ်အတွင်းမှ အိမ်စီးကား ၃ စီးဖြင့် ထွက်လာသော စစ် ကြောင်း ကို မိုင်းဆွဲတိုက်ခိုက်ခဲ့ရာ ကားနှစ်စီးပျက်စီး ခဲ့ ကြောင်း ရေစကြိုမြို့နယ် ပြည်သူ့ ကာကွယ်ရေးတပ်ဖွဲ့မှ တာဝန်ရှိသူတစ်ဦးက ရန်ကုန် ခေတ်သစ်သတင်းဌာနထံသို့ ပြောကြားသည်။
ယနေ့ ဖေဖော်ဝါရီလ ၂၃ ရက်နေ့ မွန်းလွဲ ၁ နာရီခန့်အချိန် ခလရ ၂၅၈ တပ် အတွင်းမှ အိမ်စီးကား ၃ စီးဖြင့် ရေစကြိုမြို့အတွင်းသို့ ထွက်ခွာသော အကြမ်း ဖက် စစ်သားများကို ရေစကြိုမြို့နယ် ပြည်သူ့ကာကွယ် ရေးတပ်ဖွဲ့မှ မြို့ပြင် စိုက်ရေးခြံနားအရောက် ပဒေသာမိုင်း ၃ လုံးတွဲ ၂ ဆိုင်းဖြင့် ဖောက်ခွဲ တိုက် ခိုက် ခဲ့ ခြင်းဖြစ်ပြီး ကား ၂စီး နေရာမှာပင် ထိုးရပ်ပျက်စီးခဲ့ကာ အကြမ်းဖက် စစ် သား ထိခိုက်သေဆုံးမှုကို စုံစမ်းလျက်ရှိကြောင်း သိရသည်။
“ပထမ သုံးလုံးတွဲ တစ်တွဲ ဆွဲပြီးတော့ ပြန်ပစ်သေးတယ်၊ ပြန်ပစ် တော့ ရဲ ဘော် တွေက နောက်တစ်လုံး ထပ်ဆွဲတာ၊ ဆွဲပြီး ခဏပဲ ထပ်ပစ်တယ်၊ ဒဏ် ရာ လောက်ပဲရတာ၊ သေသေးလားဆိုတာ အတိအကျ သိရ အောင်စုံစမ်း နေ တုန်း ပဲ၊ ပြည်သူ့ကာကွယ်ရေးတပ်ဖွဲ့ဝင်တွေ အထိအခိုက် မရှိ ပြန်လည် ဆုတ် ခွာ နိုင်ခဲ့ပါ တယ်” ဟု ရေစကြိုမြို့နယ်ပြည်သူ့ကာကွယ်ရေးတပ်ဖွဲ့မှ တာဝန်ရှိ သူ တစ်ဦးက ရန်ကုန်ခေတ်သစ် သတင်းဌာနထံသို့ ပြောကြားသည်။
ဓာတ်ပုံ- ကရင်နီပြည်နယ်တွင် မိုင်းဆွဲတိုက်ခိုက်ခံရသော စစ်ကားတစ်စီး။ (ပုံအဟောင်း ဖြစ်သည်။)
