သရက်ချောင်းမြို့ ခမရ ၄၀၃တပ်မှ ဆေးတပ်သား တစ်ဦး လက်နက်ခဲယမ်းတွေနဲ့ အတူ CDM ဝင်
ရန်ကုန်၊ ဖေဖော်ဝါရီ ၂၆
သရက်ချောင်းမြို့နယ်၊ ဝင်းဝရဲစခန်းမှာ တာဝန်ကျနေတဲ့ ဆေးတပ်သားတစ်ဦး ဒေသတွင်းတော်လှန် ရေးအင်အားစုတွေထံ လက်နက်ခဲယမ်းတွေနဲ့အတူ CDM ပြုလုပ်ကာ အလင်းဝင်ခဲ့တယ်လို့ ဒေသအခြေစိုက် ပြည်သူ့ကာကွယ်ရေးတပ်ဖွဲ့ဝင်တွေဆီကနေ သိရပါတယ်။
အဲဒီဆေးတပ်သားဟာ အသက် ၂၃ အရွယ် ရှိပြီးအမှတ် ၈ စစ်ဆင်ရေးကွပ်ကဲမှုဌာနချုပ်အောက်မှာရှိတဲ့ သရက်ချောင်းမြို့နယ် အခြေစိုက် ခမရ ၄၀၃ တပ်ရင်းက ဖြစ်ပါတယ်။
CDM တပ်သားက ကျည်ဆံ ၁၀၀၊ ရိုက်ဖယ်ပစ်ဗုံး(အီနာဂါ)တစ်လုံး၊ လက်ပစ်ဗုံး ၁ လုံးနဲ့ အတူ ဒေသတွင်းတော်လှန်ရေးအဖွဲ့တစ်ဖွဲ့ထံ လာရောက်ပူးပေါင်းခဲ့တယ်လို့ ဆိုပါတယ်။
“သူက တပ်သားတစ်ချို့နဲ့ ဝင်းဝရဲစခန်းမှာ တပ်စွဲပြီးလာနေတာကြာပြီ။ ၁၃ ရက်နေ့က တည်းက ထွက်လာပြီး အခုတော့လုံခြုံတဲ့နေရာရောက်နေပြီ။ “လို့ ဒေသအခြေစိုက် ပြည်သူ့ကာကွယ်ရေးတပ်ဖွဲ့ဝင်တစ်ဦး ကပြောပါတယ်။
ပုံစာ – CDM ဆေးတပ်သားနဲ့ လက်နက်ခဲယမ်းတွေ
