Khit Thit သတင်းဌာန၏ ဖေဖော်ဝါရီ ၇ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ဖေဖော်ဝါရီ ၇ ရက် ညနေပိုင်းတင်ဆက်ပေးမယ့်သတင်းတွေကတော့
– စစ်ကိုင်းတိုင်း အတွင်းမှာ အကြမ်းဖက် စစ်ကောင်စီကနေ စစ်အုပ်ချုပ်ရေးဆိုပြီး ကြေညာထားတဲ့ မြောင်မြို့နယ် နဲ့ မြင်းမူမြို့နယ်တွေအတွင်း စစ်ကောင်စီဘက်က ပျူစောထီး အဖွဲ့တွေ ဖွဲ့ဖို့ လုပ်နေပေ မယ့် အောင်မြင်မှု/မရှိဘဲ အင်အား စုဆောင်းလို့ မရတော့ပဲ အခက်တွေ့နေတယ်ဆိုပြီး ပြည်ထဲရေး ဝန်ကြီးဌာန အတွင်း တင်ပြတဲ့ စာအရ သိရပါတယ်။
– မကွေးတိုင်း၊ ပခုက္ကူ-ရေစကြိုကားလမ်းမှာ အကြမ်းဖက် စစ်ကောင်စီတပ်ဖွဲ့ဝင်တွေ လိုက်ပါလာတဲ့ ကား ၂ စီးကို ပြည်သူ့ကာကွယ်ရေးတပ်ဖွဲ့တွေက ပစ်ခတ်တိုက်ခိုက်ရာမှာ စစ်ကောင်စီဘက်က ၁၀ ဦး သေပြီး ၊ လက်နက်ခဲယမ်းတွေပါ သိမ်းဆည်းရမိခဲ့တယ်လို့ ပြည်သူ့ကာကွယ်ရေးတပ်မတော် ပခုက္ကူခရိုင် တပ်ရင်း ၃ ဆီကနေ သိရပါတယ်။
– ထိုင်း-မြန်မာနယ်စပ် ၊ တာခ့်ခရိုင် ၊ ဖို့ဖရဒေသမှာ အသက် ၁ နှစ် နဲ့ ၇ လ အရွယ်ရှိတဲ့ မြန်မာ ကလေးငယ်တစ်ဦးဟာ ရေတွင်းပေါက်ထဲ ပြုတ်ကျသွားခဲ့ပြီး ဒီကနေ့ ဖေဖော်ဝါရီလ ၇ ရက်နေ့ မနက်ပိုင်းမှာ အသက်ရှင်လျက် ကယ်တင်နိုင်ခဲ့တဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
