လောင်းလုံးတွင် တော်လှန်လူငယ်များ ဦးဆောင်ကာ စစ်တပ်ထံ ရင်းနှီးမြှုပ်နှံထားသည့် PTTနှင့် PTTEP တံဆိပ်ပါ ကုန်ပစ္စည်းများ မသုံးစွဲရေး ဟောပြော
ရန်ကုန်၊ ဖေဖော်ဝါရီ ၂၂
လောင်းလုံးမြို့နယ်တွင် ထားဝယ်ခရိုင် ဒီမိုကရေစီအရေးလှုပ်ရှားမှု သပိတ်ကော်မတီ(DDMSC) မှ တော်လှန်လူငယ်များ ဦးဆောင်ကာ ယနေ့ ဖေဖော်ဝါရီလ ၂၂ ရက်နေ့တွင် စစ်တပ်ထံ ရင်းနှီးမြှုပ်နှံထားသည့် PTTနှင့် PTTEP တံဆိပ်ပါ ကုန်ပစ္စည်းများ မသုံးစွဲရေး ဟောပြောခဲ့ကြောင်း သိရသည်။
PTT နှင့် PTTEP သည် မြန်မာနိုင်ငံရှိ ရေနံနှင့် သဘာဝဓါတ်ငွေ့စီမံကိန်း ၄ ခု(ရတနာ၊ ရဲတံခွန်၊ ဇောတိက၊ ရွှေ)တွင် ရင်းနှီးမြှုပ်နှံ လုပ်ကိုင်လျှက်ရှိပြီး အာဏာသိမ်းစစ်ကောင်စီအား ဒေါ်လာသန်းပေါင်းများစွာ ပေးဆောင်နေသည့် ထိုင်းနိုင်ငံပိုင် ရေနံ နှင့် စွမ်းအင်ကုမ္ပဏီကြီးတစ်ခုဖြစ်ကြောင်း ထားဝယ်ခရိုင် ဒီမိုကရေစီအရေးလှုပ်ရှားမှု သပိတ်ကော်မတီ(DDMSC) မှ တာဝန်ရှိသူ တစ်ဦးကပြောဆိုသည်။
