ယင်းမာပင်တွင် စစ်အာဏာရှင် ဆန့်ကျင်ရေး မြောက်ခြမ်း သပိတ်အင်အားစု ချီတက် သပိတ်မှောက်
ရန်ကုန်၊ ဖေဖော်ဝါရီ ၂၃
စစ်ကိုင်းတိုင်း၊ ယင်းမာပင်မြို့နယ်တွင် စစ်အာဏာရှင် ဆန့်ကျင်ရေးအတွက် ယင်းမာပင် မြောက်ခြမ်း သပိတ်အင်အားစုက ဖေဖော်ဝါရီလ ၂၃ ရက်နေ့ နံနက်ပိုင်း ချီတက် သပိတ်မှောက်ကြကြောင်း သိရှိရသည်။
နယ်မြေဒေသ မတည်ငြိမ်သည့် ကြားကနေ နေ့စဉ်မပျက် ရဲရဲဝံ့ဝံ့ ဆန္ဒထုတ်ဖော်နေသော ယင်းမာပင်မြို့နယ် မြောက်ခြမ်း သပိတ်အင်အားစု က အင်အားအပြည့်ဖြင့် စစ်အာဏာရှင် ကျဆုံးရေးနှင့် ဒီမိုကရေစီပြန်လည်ရရှိရေးအတွက် ချီတက် ဆန္ဒထုတ်ဖော်နေကြခြင်းဖြစ်သည်။
