မိုးကုတ်မြို့နယ်၊ ကသဲကျေးရွာအုပ်စု အုပ်ချုပ်ရေးမှူးရုံး အစောင့် စစ်တပ်ကို ပစ်ခတ် တိုက်ခိုက်မှု ဖြစ်ပွားပြီး စစ်တပ်က မြို့ပေါ်နေရာတချို့ကို ပိတ်ဆို့ထား
ရန်ကုန်၊ ဖေဖော်ဝါရီ ၂၃
မန္တလေးတိုင်း၊ မိုးကုတ်မြို့နယ်၊ ကသဲကျေးရွာအုပ်စု အုပ်ချုပ်ရေးမှူးရုံးအစောင့် စစ်တပ်ကို ယနေ့ နံနက်အစောပိုင်းတွင် ပစ်ခတ်တိုက်ခိုက်မှုဖြစ်ပွားပြီး စစ်တပ် က အခင်းဖြစ်ပွားရာ အုပ်ချုပ်ရေးမှူးရုံးနှင့် အနီးပတ်ဝန်းကျင်ရှိ လမ်းများကို ပိတ်ဆို့ စစ်ဆေးနေကြောင်း သိရှိရသည်။
ဖေဖော်ဝါရီလ ၂၃ ရက်နေ့ နံနက် ၅ နာရီ ၃၀ မိနစ်အချိန်တွင် ပစ်ခတ်မှုဖြစ် ပွားခြင်းဖြစ်ပြီး နံနက်အစောပိုင်း လက်နက်ကြီး၊ လက်နက်ငယ်အသံများ၊ ဗုံးပေါက်ကွဲသံများဖြင့် တိုက်ပွဲ ဖြစ်ပွားခဲ့ကြောင်း သိရှိရသည်။
“ကသဲကျေးရွာအုပ်ချုပ်ရေးမှူးရုံးကို စောင့်နေတာ ခွေး ၄ ကောင်လောက်ရှိမယ်။ ဒီမနက် ၅ နာရီ ၃၀ လောက် ဝင်ရောက်ပစ်ခတ်သံကြားရတယ်။ ပေါက်ကွဲ သံရော လက်နက်ငယ်သံရော ဆူညံနေတာပဲ။ စကခ ဘယ်နှစ်ကောင် သေတယ်ဆိုတာ မသိရသေးဘူး။ အခု ရပ်ကွက်ရုံးနဲ့ အဲဒီအနားက လမ်းတွေကို စစ်တပ်နဲ့ရဲတွေ လာစစ်နေတယ်” ဟု ဒေသပြည်သူတစ်ဦးက ပြောသည်။
မိုးကုတ်မြို့နယ် တစ်၀ိုက်တွင် TNLA ၊ ပြည်သူ့ကာကွယ်ရေးတပ်များ နှင့် အကြမ်းဖက် စစ်ကောင်စီတပ်များအကြား မကြာခဏဆိုသလို တိုက်ပွဲများ ဖြစ်ပွားလေ့ရှိကြောင်း သိရှိရသည်။
ဓာတ်ပုံ- လုံခြုံရေးချထားသည့် မိုးကုတ်မြို့နယ် အထွေထွေအုပ်ချုပ်ရေးမှူးရုံး။ (ပုံအဟောင်းဖြစ်ပါသည်။)
