ရေစကြိုမြို့နယ်၊ နေရင်းရွာမရွာကို စစ်တပ် မီးရှို့ဖျက်ဆီးမှု နေအိမ် ၃၀ ကျော်ပြာကျ
ရန်ကုန်၊ ဖေဖော်ဝါရီ ၂၆
မကွေးတိုင်း၊ ရေစကြိုမြို့နယ်ရှိ နရင်းရွာမရွာကို အကြမ်းဖက် စစ်တပ် မီးရှို့ဖျက်ဆီးမှု နေအိမ် ၃၀ ကျော်ပြာကျခဲ့ကြောင်း yay lal kyun news- ရေလယ်ကျွန်းသတင်း အဖွဲ့က တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ဖေဖော်ဝါရီလ ၂၆ ရက်နေ့တွင် ရေစကြိုမြို့နယ် မင်းရွာတွင် စခန်းချ တပ်စွဲထားသော အကြမ်းဖက် စစ်တပ်မှ စစ်သားများနှင့် ပျူစောထီး အဖွဲ့များက နေရင်းရွာမရွာကို ဝင်ရောက် စီးနင်းပြီး ပြည်သူပိုင် နေအိမ် ၃၀ ကျော်ကို မီးရှို့ ဖျက်ဆီးခဲ့ကြောင်း သိရှိရသည်။
” ပြည်သူတွေ ထိခိုက်မှုတော့ မရှိဘူး။ နေရင်းရွာမရွာက ပြည်သူတွေက ထွက်ပြေးတိမ်းရှောင်နေရတာ ကြာပြီ စစ်ခွေးတွေ မီးရှို့သွားလို့ နေအိမ် ၃၀ ကျော်ပြာကျသွားတယ်” ဟု yay lal kyun news- ရေလယ်ကျွန်းသတင်း အဖွဲ့က တာဝန်ရှိသူ တစ်ဦးကပြောဆိုသည်။
စစ်ကောင်စီ စစ်ကြောင်းများသည် နေရင်းရွာမရွာရှိ ဝင်ရောက် စီးနင်းမှုကြောင့် ပြည်သူ အများစုသည် ၂၀၂၂ ခုနှစ် ဇူလိုင်လ ၂၆ ရက်နေ့ ကတည်းစတင်ကာ နေရပ်စွန့်ခွာ တိမ်းရှောင် နေရဆဲဖြစ်ကြောင်း သိရှိရသည်။
