နိုင်ငံကူးလက်မှတ်အတွက် လူ ၈၅၀၀ ကျော် အွန်လိုင်းမှတစ်ဆင့် လျှောက် ထား ပြီး နောက် Online Booking စနစ် ရပ်ဆိုင်းသွားပြန်
ရန်ကုန်၊ ဖေဖော်ဝါရီ ၂၇
အကြမ်းဖက်စစ်ကောင်စီက နိုင်ငံကူးလက်မှတ် ထုတ်ပေးရာတွင် အွန်လိုင်းမှ တစ် ဆင့် လျှောက်ထားခိုင်းသည့် စနစ်ကို ဖေဖော်ဝါရီလ ၂၄ ရက်နေ့တွင် စ တင် ခဲ့ပြီး ၃ ရက်အတွင်း လူ ၈၅၀၀ ကျော် လျှောက်ထားပြီးနောက် Online Booking စနစ်ကို ခေတ္တရပ်ဆိုင်းလိုက်ကြောင်း သိရှိရသည်။
ဖေဖော်ဝါရီလ ၂၇ ရက်နေ့ နံနက်ပိုင်းတွင် ပြည်သူများက နိုင်ငံကူးလက်မှတ် များ လျှောက်ထားကြရန် https://www.passport.gov.mm/ ဝင်ရောက် သော အခါ ငွေသွင်းပြီး ရက်ချိန်းမရသူများသာ ရက်ချိန်း ရက် ကြည့်ရှုနိုင် မည် ဖြစ်ပြီး အသစ်လျှောက်ထားလိုသူများအနေဖြင့် စနစ်အား ပြင်ဆင်မွမ်းမံမှု များ ပြုလုပ်နေသည့်အတွက် လျှောက်ထား၍ မရနိုင်ကြောင်း၊ နိုင်ငံကူး လက် မှတ် Online Booking ဝန်ဆောင်မှု ပြန်လည် စတင်ဖွင့်လှစ်မည့်အချိန်ကို ကြေ ညာ ပေးသွားမည်ဖြစ်ကြောင်း ကြေညာ ထားသည်။
“ဖေဖော်ဝါရီလ ၂၄ ရက်နေ့မှာ စဖွင့်တယ်။ ၂၄ ရက်နေ့ တစ်ရက်တည်းပဲ တင် လို့ ရလိုက်တယ်။ ၂၅ ရက်နဲ့ ၂၆ ရက်နေ့မှာက ဝင်မရ ပြုမရနဲ့ ။ သူတို့ ကြေညာ ထားတာက ဖေဖော်ဝါရီ ၂၄ ရက်နေ့ကနေ ၂၆ ရက်နေ့အထိ လူပေါင်း ၈၅၂၉ ဦး လျှောက်ထားတယ်။ ဒီမနက်ကျတော့ ငွေသွင်းပြီး ရက်ချိန်းမရသူ တွေပဲ ရက် ချိန်း ကြည့်လို့ရတယ်။ အသစ်လျှောက်ထားသူတွေ လျှောက်မရ တော့ဘူး။ တရားဝင်လည်းကြေညာထားတယ်။ ၃ ရက်အတွင်း လူ ၈၀၀၀ ကျော် လျှောက် တာဆိုတော့ ပမာဏက တိုးလာဖို့ပဲရှိတယ်။ မနိုင်မနင်းဖြစ်လို့ ခဏ ရပ် သွား တာထင်တယ်” ဟု နိုင်ငံကူးလက်မှတ် လျှောက်ထားသူ ပြည်သူ တစ်ဦးက ပြောသည်။
လက်ရှိတွင် နယ်ဒေသမှ လူငယ်များအားလုံးမှာ အွန်လိုင်းမှ နိုင်ငံကူးလက်မှတ် လျှောက်ထားခြင်းကို နားလည် တတ်ကျွမ်းမှုမရှိ၍ အခက်အခဲများစွာ ကြုံနေရ ကြောင်း နယ်ဒေသမှ ပြည်သူများက ဆိုကြသည်။
“ဖေဖော်ဝါရီ ၂၄ ၊ ၂၅ ၊ ၂၆ ရက်နေ့ ၃ ရက်ဖွင့်ပေးတာက မြို့ပေါ်က လူတွေ အများ စု လျှောက်လို့ ရသွားကြတာ။ နယ်တွေမှာက လိုင်းမကောင်းဘူး။ ပြီး တော့ လျှောက်ရတာ သိပ်မကျွမ်းကျင်ဘူး။ကျနော်ဆိုရင် ခင်ဦးဘက်ကပါ။ အဲဒါ အင်တာနက်ရတဲ့ မန္တလေးဘက်သွားပြီး လျှောက်ဖို့ လုပ်ကြည့်တာ။ မရဘူး။ အဆင်မပြေဘူး” ဟု ခင်ဦးမြို့နယ်မှ လူငယ်တစ်ဦးက ဆိုသည်။
အကြမ်းဖက်စစ်ကောင်စီက ၂၀၂၂ ခုနှစ် ဒီဇင်ဘာလမှ စတင်၍ နိုင်ငံကူးလက် မှတ် ထုတ်ပေးမှုများကို ရပ်ဆိုင်းခဲ့ပြီး ၂ လခွဲနီးပါး အကြာတွင် အွန်လိုင်းမှ တစ် ဆင့် နိုင်ငံကူးလက်မှတ် လျှောက်ထားမှုများ ခွင့်ပြု လာခြင်းဖြစ်ကြောင်း သိရှိရ သည်။
