Khit Thit သတင်းဌာန၏ ဖေဖော်ဝါရီ ၂၂ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ဖေဖော်ဝါရီ ၂၂ ရက် ညနေပိုင်းတင်ဆက်ပေးမယ့်သတင်းတွေကတော့
-ရှမ်းပြည်နယ်၊ မူဆယ်မြို့လယ်ခေါင် နာရီစင်အနီးမှာရှိတဲ့ အလှပြင်ဆိုင်မှာ ဒီကနေ့ ဖေဖော်ဝါရီလ ၂၂ ရက်နေ့ မနက်ပိုင်းက အကြမ်းဖက် စစ်ကောင်စီလက်အောက်ခံ ရဲအုပ် ၁ ဦး ပစ်ခတ်ရှင်းလင်းခံရပြီး သေသွားတယ်လို့ ဒေသခံ ပြည်သူတွေက ရန်ကုန်ခေတ် သစ်ကိုပြောပါတယ်။
– မကွေးတိုင်း၊ ပေါက်မြို့နယ်၊ ကုက္ကိုစုကျေးရွာက အကြမ်းဖက် စစ်ကောင်စီရဲ့ တပ်စခန်းကို PDF တပ်တွေက ဒီကနေ့ ဖေဖော်ဝါရီလ ၂၂ ရက်နေ့ မနက်ပိုင်းမှဦ ဝင်ရောက်တိုက်ခိုက်မှုကြောင့် စစ်ကောင် စီဘက် အထိနာပြီး ရဟတ်ယာဉ် ၂ စီး နဲ့ပါ ဗုံးကျဲပစ်ခတ် တိုက်ခိုက်ခဲ့တယ်လို့ ဒေသခံ ပြည်သူတွေက ပြောပါတယ်။
– မြန်မာနိုင်ငံကိုမတရားစစ်အာဏာသိမ်းပြီးတဲ့နောက် ပြည်သူတွေကို ဖမ်းဆီးနှိပ်စက်သတ်ဖြတ်နေတဲ့ စစ်ရာဇဝတ်မှု တရားခံ အကြမ်းဖက်စစ်ကောင်စီကို ထိထိရောက်ရောက် ပိုမို အရေးယူဖို့ အမေရိကန်နိုင်ငံရဲ့ သမ္မတဂျိုးဘိုင်ဒင် ဆီကို ဘန်ကောက်မှာရှိတဲ့ အမေရိကန် သံရုံးကနေတစ်ဆင့် မြန်မာ့တော်လှန်ရေး အင်အားစုတွေက စာပေးပို့တောင်းဆိုလိုက်ကြတယ်လို့ သိရပါတယ်။
– ဒဂုံမြို့သစ်ဆိပ်ကမ်းမြို့နယ်၊ ယုဇနဥယျာဉ်မြို့တော်အိမ်ရာမှာ ရာအိမ်မှူး ၂ ဦး သေဆုံးစေခဲ့တဲ့ အမှတ် ၉၄ ရပ်ကွက် အုပ်ချုပ်ရေးမှူးရုံး ပစ်ခတ်ခံရ ပြီးတဲ့နောက် ရပ်ကွက်စျေးကို အကြမ်းဖက် စစ်ကောင်စီ တပ်နဲ့ လူမိုက်တွေက ဖျက်ဆီးနေတဲ့ သတင်းအပါအဝင် နောက်ဆုံးရသတင်းတွေကို တင်ဆက် ပေးပါမယ်။
