တောင်ဥက္ကလာရဲစခန်းတွင် ဗုံးပေါက်ကွဲ၊ အထိအခိုက် ရှိ၊ မရှိ မသိရသေး
ရန်ကုန်၊ မတ် ၃၀
ရန်ကုန်တိုင်း၊ တောင်ဥက္ကလာပမြို့နယ် ရဲစခန်းတွင် ယနေ့ မွန်းလွဲပိုင်းတွင် ဗုံးပေါက်ကွဲကြောင်း ဒေသပြည်သူများနှင့် ရဲသတင်းရင်းမြစ်က ပြောသည်။
မတ်လ ၃၀ ရက်နေ့ မွန်းလွဲ ၂ နာရီ ၅ မိနစ်အချိန် တောင်ဥက္ကလာရဲစခန်းတွင် ဗုံးပေါက်ကွဲခြင်းဖြစ်ကြောင်း၊ အခြေအနေ အသေးစိတ် မသိရှိရသေးဘဲ လတ်တလော စစ်ဆေးမှုများရှိနေကြောင်း သိရှိရသည်။
“တောင်ဥက္ကလာပရဲစခန်းကို မွန်းလွဲ၂နာရီ၅မိနစ်မှာ ပေါက်ကွဲသံကြားရတယ်။ အဝေး ထိန်းမိုင်းနဲ့ ဖောက်ခွဲတာမျိုး ဖြစ်ဖို့များတယ်။ အသံဗုံးလို့လည်း ပြော တယ်။ လောလောဆယ်တော့ အဲဒီနားမှာ ရဲတချို့ အဝင်အထွက်တွေ့ရတယ်” ဟု ဒေသပြည်သူတစ်ဦးက ပြောဆိုသည်။
