ထီးလင်းသို့ ဝင်ရောက်လာသော အကြမ်းဖက်စစ်ကြောင်းများကို အကြိမ်ကြိမ် တိုက်ခိုက်မှု စစ်သား ၄၀ ကျော်သေဆုံး
ရန်ကုန်၊ မတ် ၁၇
မကွေးတိုင်း၊ ပခုက္ကူမြို့မှ ယောဒေသနှင့်ချင်းပြည် နယ် ဘက်သို့ ဦးတည်လာသော အကြမ်း ဖက် စစ်ကြောင်း များကို ထီးလင်းမြို့နယ်အတွင်း မိုင်းဆွဲတိုက်ခိုက်ခဲ့ရာ စစ်သား ၄၀ ကျော် သေဆုံးခဲ့ကြောင်း YRA –Htilin ၏တာဝန်ရှိသူတစ်ဦးက ရန်ကုန်ခေတ် သစ် သတင်းဌာနထံသို့ပြောဆိုသည်။
မတ်လ ၁၅ ရက်နေ့ နံနက် ၉ နာရီ ၁၅ မိနစ်ခန့်အချိန် ထီးလင်းမြို့သို့ ရောက်ရှိလာသော အကြမ်းဖက်စစ်ကား ၃၈ စီးနှင့် စစ်သားများသည် နေ့လည် ၁၂ နာရီခန့်တွင် ထီးလင်း-ဂန့်ဂေါလမ်းပိုင်းသို့ ထွက်ခွာရန် နံနက်ပိုင်းကတည်းက လမ်းလုံခြုံရေးယူပေးရန် ကြိုထွက်လာသော အကြမ်းဖက်စစ်သား ၅၅ ဦးပါ ရှေ့ပြေး ပွိုင့်ကို ထီးလင်း-ပုဏ္ဏားကြီးကြား၌ မိုင်းဆွဲတိုက်ခိုက်ခဲ့ရာ နှစ်ဦးပွဲချင်းပြီး သေဆုံးပြီး အများ အပြားဒဏ်ရာရရှိခဲ့ကြောင်း သိရသည်။
ထိုမိုင်းဆွဲတိုက်ခိုက်မှုကြောင့်သေဆုံးထိခိုက်ဒဏ်ရာရှိသော စစ်သားများကို ထီးလင်းမြို့၊ ထွေအုပ် ရုံးမှ Light Truck ကားနှစ်စီးဖြင့် လာရောက်သယ်ဆောင်သွားကြောင်း၊ အဆိုပါတိုက်ခိုက်မှုကို ဂန့်ဂေါ ခရိုင်တပ်ရင်း ၁၅ ၊တပ်ရင်း ၁၆ ၊တပ်ရင်း ၁၇ (ထီးလင်း)နှင့် ဂန့်ဂေါခရိုင်တပ်ရင်း ၁၈(YNRFထီးလင်း) တို့ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
အလားတူ မတ်လ ၁၅ ရက်နေ့ မွန်းလွဲ ၁ နာရီခန့်တွင် ထီးလင်းမြို့နယ်၊ ရွှေခုံတိုင်ကျေးရွာ၏ အနောက်ဘက်သို့ ရောက်ရှိ လာသော အကြမ်းဖက်စစ်သား ၄၀ ခန့်သည် မန်ကျည်းပင်စခန်း၌ စုစည်းပြီး အရိပ်ခိုနားနေစဉ် အသင့် ပြင်ထားသော မိုင်းများဖောက်ခွဲတိုက်ခိုက်ခဲ့ရာ အကြမ်းဖက်စစ်သား ၂၆ ဦး ပွဲချင်း ပြီး သေဆုံးကြောင်း၊ သေ ဆုံး စစ်သား အလောင်း များကို ရွှေဂုံတိုင်ကျေးရွာရှိ နေအိမ်များ မီးရှို့အလောင်းဖျောက်ပစ်ခဲ့ကြောင်း သိရသည်။
ယင်းတိုက်ခိုက်မှုကို ဂန့်ဂေါခရိုင် တပ်ရင်း ၁၅ ၊ တပ်ရင်း ၁၆ ၊ တပ်ရင်း ၁၇ (ထီးလင်း) မှ လုပ်ဆောင် ခဲ့ခြင်းဖြစ်ပြီး ထိခိုက်ဒဏ်ရာ ခြေပြတ်လက်ပြတ် အပိုင်းအစများကို မီတာ ၅၀ အကွာအဝေး အထိ လိုက် လံ ကောက်ယူခဲ့ရကြောင်း၊ မိုင်းဖောက်ခွဲရေး ရဲဘော်များ အထိအခိုက်မရှိပြန်လည် ဆုတ်ခွာနိုင်ခဲ့ဟု ဆိုသည်။
သေဆုံးစစ်သားများ၏အလောင်းများကို ရွှေဂုံတိုင်ကျေးရွာအတွင်း မီးရှို့နေစဉ် စစ်သား ၁၀ ဦးပါ တပ်စိပ်တစ်ခုက ရွှေဂုံတိုင်ကျေးရွာ၏ မြောက်ဘက်တွင် ကင်းပတ်ထွက်လာကြောင်း၊ အသင့်စောင့်နေသော ဂန့် ဂေါခရိုင် တပ်ရင်း ၁၅ ၊ တပ်ရင်း ၁၆ ၊ တပ်ရင်း ၁၇ (ထီးလင်း) မှ ရဲဘော်များက ပစ်ခတ်တိုက်ခိုက်ခဲ့ရာ စစ်သား ၃ ဦးသေဆုံးပြီး ၄ ဦးခန့် ဒဏ်ရာရရှိသွားကြောင်း၊ ယင်းအကြမ်းဖက် စစ်ကြောင်း မှာ ရှေ့ဆက် မသွားနိုင်တော့ဘဲ ရွှေခုံတိုင်ကျေးရွာတွင် ညအိပ်ရပ်နားသွားကြောင်း သိရသည်။
ယင်းအကြမ်းဖက်စစ်သားများသည် ရွှေခုံတိုင်ကျေးရွာတွင် အနားယူပြီးနောက် ရှေ့ဆက်တိုး လာကြောင်း၊ ရွှေခုံတိုင်ကျေးရွာမြောက်ဖက် ဇီးတောလမ်းခွဲအနီး PDFများ ထောင်ထားသောမိုင်းကို စစ်သား ၂ ဦးက မိုင်းဖြုတ်ရန်ကြိုးစားစဉ် ဖောက်ခွဲတိုက်ခိုက်ခဲ့ရာ ၂ ဦးစလုံးပွဲချင်းပြီး သေဆုံးသွားကြောင်း သိရသည်။
အလားတူ ယမန်နေ့ မတ်လ ၁၆ ရက်နေ့ ညနေ ၄ နာရီ မိနစ် ၄၀ ခန့်အချိန် စစ်သား ၁၀ ဦးခန့်သည် ရှေ့ပွိုင့်လုံခြုံရေး ထွက်လာကြောင်း၊ ထိန်တိုင်းကျေးရွာမြောက်ဘက် ရေရှင်ကျေးရွာ လမ်းခွဲ ဇရပ်အနီးအရောက် ပြည်သူ့ကာကွယ်ရေးတပ်ဖွဲ့များက လက်ဦးမှုရယူတိုက်ခိုက်ခဲ့ရာ အကြမ်း ဖက်စစ်သား ၇ ဦးသေဆုံးပြီး ၃ ဦးခန့်သာ အသက်ရှင်ကျန်ခဲ့ကြောင်း၊ လက်နက်ခဲယမ်းမလုံလောက် သဖြင့် ပြန်လည် ဆုတ်ခွာရကြောင်း၊ စစ်တပ်၏ လက်နက်ခဲယမ်းယူဆောင်နိုင်ခဲ့ခြင်းမရှိကြောင်း YRA (ထီးလင်း) တပ်ဖွဲ့က ပြောသည်။
စစ်ကြောင်းသည် ထီးလင်းမြို့သို့ရောက်ရှိအချိန်မှစ၍ လက်ရှိအချိန်ထိ သုံးရက်တာကာလ အ တွင်း ၁၈ မိုင်ခန့်သာ ခရီးတွင်ထားပြီး သေဆုံး ၄၀ ကျော်နှင့် ဒဏ်ရာရသူ ၃၀ ကျော်ခန့်ရှိ ကြောင်း၊ အ ထိ နာသော အကြမ်းဖက်စစ်တပ်က ပြည်သူများကို ပစ်မှတ်ထားတိုက်ခိုက်လာ နိုင်သဖြင့် ထီးလင်း-ဂန့် ဂေါလမ်းမကြီးအား အသုံးမပြုကြပါရန်နှင့် လမ်းဘေးဝဲယာရှိ ကျေးရွာများမှလည်း အသင့်အနေအထား ကြိုတင်ပြင်ဆင်ထားပါရန် ဂန့်ဂေါခရိုင်တပ်ရင်း ၁၅ ၊ ၁၆ ၊ ၁၇ -YRA ထီးလင်းက အသိပေးထားသည်။
