နေပြည်တော်၊ ချိုင်းကျေးရွာလမ်းဆုံ စစ်ဆေးရေးဂိတ်တွင် ဗုံးပေါက်ကွဲမှုဖြစ်ပွားပြီး ရဲ ၄ ဦးထက်မနည်း သေဆုံးနိုင်
ရန်ကုန်၊ မတ် ၂
နေပြည်တော်၊ ဇမ္ဗူသီရိမြို့နယ်နှင့် ဒက္ခိဏသီရိမြို့နယ်အစပ် ချိုင်းကျေးရွာလမ်းဆုံ စစ်ဆေးရေးဂိတ်တွင် ယနေ့ ညနေပိုင်း ဗုံးပေါက်ကွဲမှုဖြစ်ပွားပြီး ရဲ ၄ ဦးထက် မနည်းသေဆုံးနိုင်ကြောင်း ဒေသပြည်သူများထံမှ သိရှိရသည်။
မတ်လ ၂ ရက်နေ့ ညနေ ၆ နာရီ ၁၅ မိနစ်အချိန်တွင် ချိုင်းကျေးရွာလမ်းဆုံတွင် ဗုံးပေါက်ကွဲခြင်းဖြစ်ပြီး ရဲ ၄ ဦးထက်မနည်း သေဆုံးထိခိုက်နိုင်ကြောင်း သိရှိရသည်။
“ဗုံးပေါက်ကွဲမှုက ရဲခွေး ၄ ကောင်၊ ၅ ကောင်လောက်တော့ ကြွမယ်ထင်တယ်” ဟု ဒေသပြည်သူတစ်ဦးက ပြောသည်။
လက်ရှိတွင် နေပြည်တော်တွင် ဗုံးပေါက်ကွဲမှုများ ဆက်တိုက်ဖြစ်ပွားလျက်ရှိပြီး စစ်တပ်ကလည်း ဝန်ကြီးဌာနနှင့် အကြမ်းဖက် စစ်ကောင်စီတပ်ဖွဲ့ဝင် နေအိမ်များတွင် လုံခြုံရေး အထူးတင်းကျပ်ထားကြောင်း သိရှိရသည်။
ဓာတ်ပုံ- နေပြည်တော်၏ လုံခြုံရေးအစောင့် အကြမ်းဖက် ရဲများ။ (ပုံအဟောင်း ဖြစ်သည်။)
Photo- AFP ။
