မင်းအောင်လှိုင်က သူ့မိန်းမ ကြူကြူလှကို အဂ္ဂမဟာသီရိသုဓမ္မသီင်္ဂီဘွဲ့ ပေး အပ်၊ သန်းရွှေ မိန်းမ ကြိုင်ကြိုင် အပါအဝင် စစ်ဗိုလ်ချုပ်ဟောင်းနဲ့ ခေါင်း ဆောင် ဟောင်း မိန်းမ တွေကိုလည်း ဘွဲ့တွေ ပေးပြန်
ရန်ကုန်၊ မတ် ၂
အကြမ်းဖက် စစ်ခေါင်းဆောင် မင်းအောင်လှိုင်က သူ့မိန်းမ ဖြစ်တဲ့ ကြူကြူလှကို အဂ္ဂမဟာသီရိသုဓမ္မသီင်္ဂီဘွဲ့ ပေးအပ်တယ်လို့ စစ်တပ်က သတင်းထုတ်ပြန်ပါတယ်။
သူ့မိန်းမ ကြူကြူလှ အပြင် စစ်အာဏာရှင်ဟောင်း သန်းရွှေ မိန်းမ ကြိုင်ကြိုင်၊ ဒုစစ်ခေါင်းဆောင်ဟောင်း မောင်အေး မိန်းမ မြမြစန်း၊ သမ္မတဟောင်း သိန်းစိန် မိန်းမ ခင်ခင်ဝင်း၊ ယာယီသမ္မတ မြင့်ဆွေ မိန်းမ ဒေါ်ခင်သက်ဌေး၊ လေယာဉ်ပျက်ကျ ကွယ်လွန်ခဲ့တဲ့ အတွင်းရေးမှူး ၂ ဗိုလ်ချုပ်တင်ဦး မိန်းမ ဒေါ်သန်းသန်းနွဲ့၊ ဒုသမ္မတ စိုင်းမောက်ခမ်း မိန်းမ ဒေါ်နန်းရွှေမှုံတို့ကို စုစုပေါင်း ၇ ဦးကို မင်းအောင်လှိုင်က အဂ္ဂမဟာသီရိသုဓမ္မသီင်္ဂီဘွဲ့က ဘွဲ့တွေ ပေးအပ်တာဖြစ်ပါတယ်။
မင်းအောင်လှိုင်က သူ့မိန်းမ ကြူကြူလှကို အစည်းအဝေးတွေမှာ ချီးကျူးလေ့ရှိပြီး သူ့မိန်းမ ကောင်းကြောင်း တော်ကြောင်း ထုတ်ပြောလေ့ရှိပါတယ်။
သူ့မိန်းမက ကျောင်းဆရာမဖြစ်ပြီး သူ့ထက် အသက်ကြီးပေမယ့် စည်းကမ်းစနစ်ကျနသေချာသူဖြစ်ကြောင်း အစည်းအဝေးတွေမှာ ထုတ်ပြောပြီးနောက် အခုနောက်ဆုံး ဘွဲ့တွေ ပေးအပ်လာတာလည်းဖြစ်ပါတယ်။
၂၀၂၂ ခုနှစ် ဖေဖော်ဝါရီလ ၁၃ ရက်နေ့ စစ်ကောင်စီအစည်းအဝေးမှာ မင်းအောင်လှိုင်က သူ့မိန်းမ ကြူကြူလှကို အနစ်နာခံသူ ဆရာမလို့ အမည်တပ်ပြီး ချီးကျူးဂုဏ်ပြုခဲ့ပါသေးတယ်။
မင်းအောင်လှိုင်က ဇနီးကို ချီးမွန်းခန်းဖွင့်ရာမှာ သူ့ဇနီးကြူကြူလှက ကျောင်း ဆရာမ ဖြစ်ကြောင်း၊ ဆရာဆိုတာ ဝါသနာ၊ စေတနာ၊ အနစ်နာ နာ ၃ နာ အလုပ် လုပ်သူဖြစ်ကြောင်း၊ ကြူကြူလှဟာ စာသင်တာ ဝါ သနာပါသူဖြစ်ပြီး မဟာဘွဲ့တန်း တက်ကတည်းက အချိန်ပိုင်း နည်းပြ အဖြစ် လုပ်သား ကော လိပ်မှာ ကျောင်း ဆရာမ လုပ်ခဲ့ကြောင်း၊ သူ တပ်ရင်းမှူးဖြစ်ချိန်မှာ အလုပ် ထွက်ခိုင်းလိုက်လို့ သူ့ကို အလေးထား၍ အလုပ်ထွက်တာဖြစ်ကြောင်း၊ ကြူကြူ လှက အလုပ်မထွက်ချင်ဘူးလို့ သူ့ကို တဖွဖွ ပြောကြောင်း၊ အခုဆိုရင် ကြူကြူ လှ တပည့်တွေ ပါမောက္ခချုပ်တွေပင် ဖြစ်နေပြီဖြစ်ကြောင်း၊ ကြူကြူလှကဲ့သို့ သော ဆရာမများဟာ အနစ်နာခံ လုပ်ခဲ့သူများဖြစ်တာကို ပြောချင်ကြောင်း မင်း အောင်လှိုင်က စစ်ကောင်စီအစည်းအဝေးမှာ ပြောဆိုသွားခဲ့ပါတယ်။
