ရမည်းသင်းထောင်တွင် အကျဉ်းဦးစီး ဝန်ထမ်း အမျိုးသမီးအဆောင်တာဝန်ခံ သိန်းသိန်းကျော်က နိုင်ငံရေး အကျဉ်းသူ များကို ဖိနှိပ်ရိုင်းပြ ဆဲဆိုခြိမ်းခြောက် သည့် အပြင် မတရားငွေကြေးတောင်းခံ
ရန်ကုန်၊ မတ် ၄
မန္တလေးတိုင်း၊ ရမည်းသင်း အကျဉ်းထောင်တွင် အကျဉ်းဦးစီးဌာန ဝန်ထမ်း အမျိုး သမီးအဆောင်တာဝန်ခံ သိန်းသိန်းကျော်က နိုင်ငံရေး အကျဉ်းသူ များကို ဖိနှိပ် ရိုင်း ပြ ဆဲဆို ခြိမ်းခြောက် သည့်အပြင် မတရား ငွေကြေး တောင်းခံနေ ကြောင်း သိရှိရသည်။
ရမည်းသင်းအကျဉ်းထောင်တွင် အကျဉ်းကျခံနေရသည့် နိုင်ငံရေးအကျဉ်း သူ များ အပါအဝင် အကျဉ်းသူ/ အချုပ်သားများအပေါ်မှာ အကျဉ်းထောင် အမျိုး သမီးဆောင်တာဝန်ခံ ဒေါ်သိန်းသိန်းကျော်က မတရားသဖြင့် ငွေကြေး ရယူ ခြင်းများ၊ ရိုင်းပြဆဲဆိုခြင်းများ၊ ပါးစပ်စည်းကမ်းများ ထုတ်ခြင်း၊ ခြိမ်းခြောက် ပြော ဆို ခြင်းတို့ အကြိမ်ကြိမ်လုပ်ဆောင်နေပြီး တိုင်ကြားမှုများရှိသော်လည်း ထောင်ပိုင်နှင့် အကျဉ်းဦးစီးဌာနဘက်က တစ်စုံတစ်ရာ အရေးယူမှုမရှိကြောင်း သိရှိရသည်။
အကျဉ်းဦးစီးဌာန ဝန်ထမ်း ဒေါ်သိန်းသိန်းကျော်က နိုင်ငံရေးအကျဉ်းသူများ ကိုလည်း “အပြစ်လုပ်လို့ ထောင်ထဲရောက်တာ ၊ မလုပ်ရင် ဘယ်သူမှ ထောင်ထဲ မထည့်ထားဘူး” ဟူသည့် စကားကို သုံးနှုန်း၍ စောင်းမြောင်းပြောဆို ခြိမ်း ခြောက် မှုများ၊ ဆဲဆိုခြင်းများ၊ မတရားဖိနှိပ်ခြင်းများ၊ ဥပဒေနှင့်မညီသော စည်း ကမ်းသတ်မှတ်မှုများ လုပ်ဆောင်နေကြောင်း အကျဉ်းထောင်နှင့် နီးစပ်သူ များ က ရန်ကုန်ခေတ်သစ်သတင်းဌာနသို့ ဆက်လက်ပြောဆိုသည်။
ထို့ပြင် အကျဉ်းထောင်အတွင်းတွင် ဒေါ်သိန်သိန်းကျော်က နေရာရောင်းခြင်း၊ အလုပ်ရောင်းခြင်းကဲ့သို့ မတရား သဖြင့် ငွေကြေးရယူခြင်းများ လုပ်ဆောင်ပြီး ပိုက်ဆံမပေးနိုင်သည့် အကျဉ်းသူများကို အလုပ်တစ်ခုထက်မက ပိုခိုင်းခြင်း လုပ်ရပ် များကို အကြိမ်ကြိမ်ကျူးလွန်နေကြောင်း၊ အကျဉ်းသူ၊ အချုပ်သူ အသစ် ရောက်လာပါက လူဟု မမြင်ဘဲ ငွေထုပ်အသစ်ရောက်လာပြီဟု ခံယူကာ ရသလောက်ငွေညှစ်ယူခြင်းတို့ လုပ်ဆောင်နေကြောင်း အကျဉ်းထောင်အတွင်း မှ စုံစမ်းသိရှိရသည်။
ရေချိုးချိန်များတွင်လည်း အကျဉ်းထောင် ဥပဒေမဟုတ်ဘဲ ၎င်း၏ ပါးစပ် စည်း ကမ်းအဖြစ် ခွက်သေးဖြင့်သာ ၁၈ ခွက်ခန့်သာ ချိုးခွင့်ပေးခြင်းတို့ လုပ်ဆောင် ခဲ့ပြီး နိုင်ငံရေးအကျဉ်းသူများမှ ထိုသို့ လူ့အခွင့်အရေးဆုံးရှုံးမှုကို လက်မခံနိုင်၍ အကြိမ်ကြိမ်စကားများခဲ့ကာ ထောင်ပိုင်သို့ အကြိမ်ကြိမ် တင်ပြခဲ့မှုကြောင့် ရေချိုးချိန်ကို ၁၅ မိနစ်ခန့် အချိန်ပေးပြီး ၁၅ မိနစ်အတွင်း ရေချိုး အဝတ် လျှော် ကို အပြီးလုပ်ဆောင်ရကြောင်း၊ ၁၅ မိနစ်အတွင်း မပြီးလျှင် စည်ကမ်း ပျက်စာ ရင်းတွင် ထည့်သွင်းခြင်းတို့ လုပ်ဆောင်နေကြောင်း၊ ဒေါ်သိန်းသိန်း ကျော်က ခန့်ထားသည့် ထောင်တန်းစီးများ၊ ထောင်စည်းကမ်း ထိန်းများ က လည်း နိုင်ငံရေးအကျဉ်းသူများကို ဦးတည်၍ ခြိမ်းခြောက် ရန်ရှာကြကြောင်း အကျဉ်း ထောင် နှင့် နီးစပ်သူများက ပြောပြသည်။
ထို့ပြင် နိုင်ငံရေးအကျဉ်းသူများကို ရာဇဝတ်မှုဖြင့် အကျဉ်းကျနေသည့် အမျိုး သမီး က ကြမ်းတမ်းသည့် စကားများဖြင့် ဆဲဆိုမှုကို ချက်ချင်း ဖြေရှင်းပေး ခြင်းမရှိဘဲ မျက်ကွယ်ပြုကာ ၂၄ နာရီကြာသည်အထိ မရှင်းဘဲ ထားကြောင်း၊ ထိုလုပ်ရပ်အတွက် မကျေနပ်၍ ဖြေရှင်းရာတွင် ဒေါ်သိန်းသိန်းကျော်က အဆိုပါ ပြဿနာသည် ၎င်းနှင့် မသက်ဆိုင်ကြောင်း ပြန်လည်ပြောဆိုပြောဆိုကာ အကျဉ်း ထောင်အတွင်း ဆဲဆိုမှု ၊ ပြဿနာရှာမှုများကို မျက်ကွယ်ပြု၍ နိုင်ငံရေး အကျဉ်းသူများနှင့် ရာဇဝတ်သား အကျဉ်းသူများနှင့် ပြဿနာ တက်စေရန် ရည် ရွယ် ချက်ရှိရှိ လုပ်ဆောင်နေကြောင်း သိရှိရသည်။
နိုင်ငံရေးအကျဉ်းသူများကို စည်းကမ်းပျက်စာရင်းတွင် ထည့်ကာ လျှော့ရက် ဖြတ် မည်၊ ကျောက်စခန်းပို့မည်၊ ထောင်ပြောင်းပို့မည်၊ နောက်အမှု ကပ်မည် စသည်ဖြင့် ပြောဆိုကာ အကြိမ်ကြိမ်ခြိမ်းခြောက်မှုများ လုပ်ဆောင် ကြောင်း ၊ ရမည်းသင်းအကျဉ်းထောင်တွင် အမျိုးသမီးဆောင်တာဝန်ခံအနေ ဖြင့်ဒေါ်သိန်း သိန်း ကျော် ဆက်ရှိနေပါက ပြဿနာများ ပိုမိုများပြားလာနိုင်ကြောင်း ရမည်း သင်း အကျဉ်းထောင်နှင့် နီးစပ်သူများက ရန်ကုန်ခေတ်သစ် သတင်းဌာနသို့ ပြောကြားသည်။
