မူဆယ်၊ မြို့ရှောင်လမ်း 69 ဟိုတယ်ရှေ့ အနီးပတ်ဝန်းကျင်တွင် ဗုံးပေါက်ကွဲ
ရန်ကုန်၊ မတ် ၇
ရှမ်းပြည်နယ်၊ မူဆယ်မြို့နယ်၊ မြို့ရှောင်လမ်း၊ 69 ဟိုတယ်ရှေ့တွင် ယနေ့ ညနေ ၆ နာရီဝန်းကျင်အချိန် ဗုံးပေါက်ကွဲမှု ဖြစ်ပွားကြောင်း ဒေသပြည်သူများထံမှ သိရှိရသည်။
မတ်လ ၇ ရက်နေ့ ညနေ ၆ နာရီဝန်းကျင်အချိန်မူဆယ်မြို့၊ မြို့ရှောင်လမ်း၊ စိုးသစ္စာဆီဆိုင်လမ်းကြား၊ 69Hotel ဟိုတယ်ရှေ့အနီးပတ်ဝန်းကျင်တွင် ဗုံးပစ်ခံရပြီး ပေါက်ကွဲမှုဖြစ်ပွားခြင်းဖြစ်ကြောင်း၊ လူထိခိုက်မှုမရှိကြောင်း သိရှိရသည်။
“ဗုံးပေါက်သံလည်းကြားတယ်။ လူထိခိုက်မှုမရှိဘူးလို့ကြားပါတယ်” ဟု မူဆယ်မြို့ခံတစ်ဦးက ပြောဆိုသည်။
