ရေတာရှည်နှင့် ရေစကြိုမြို့နယ်တို့တွင် တိုက်ပွဲများ ဖြစ်ပွားပြီး စစ်တပ် ဘက်မှ ၁၁ ဦးသေဆုံး
ရန်ကုန်၊ မတ် ၂၃
ပဲခူးတိုင်း၊ ရေတာရှည်မြို့နယ်၊ ဆွာရွာမကျေးရွာနှင့် ရွာသစ်ကျေးရွာအကြားတွင် တိုက်ပွဲဖြစ်ပွားပြီး စစ်သား ၁၀ ဦး သေဆုံးခဲ့ကြောင်း Bago Region PDF ထံမှ သိရ သည်။
မတ်လ ၁၇ ရက် နေ့လည် ၂ နာရီ ၄၅ မိနစ်ခန့်က စစ်တောင်းမြစ်ရှေ့ဘက်ကမ်းသို့ အင်အား ၆၀ ခန့်ဖြင့် စစ်ကြောင်းထိုးဝင်ရောက်လာသော အကြမ်းဖက်စစ်သားများကို ပြည်သူ့ကာကွယ်ရေးတပ်ဖွဲ့မှ တိုက် ခိုက်ခဲ့ရာ ၂ နာရီခန့်ကြာမြင့်ခဲ့ပြီး အကြမ်းဖက်စစ်သား ၁၀ ဦးထက်မနည်းသေဆုံးကာ အများ အပြား ဒဏ်ရာရရှိခဲ့ကြောင်း၊ အကြမ်းဖက်စစ်တပ်မှ ထောက်လှမ်းရေး ဒရုန်း တစ်စီးကိုလည်း ပစ်ချနိုင်ခဲ့ ကြောင်း သိရသည်။
အဆိုပါတိုက်ခိုက်မှုကို တောင်ငူခရိုင် PDF တပ်ရင်း ၃၅၀၁၊ တပ်ခွဲ ၄ ၊ တပ်ခွဲ ၆ တို့မှတိုက်ခိုက်ခဲ့ခြင်းဖြစ် ပြီး တိုက်ပွဲအတွင်းသို့ ဆွာမြို့ မြောက်ဘက်ရှိ အကြမ်းဖက်စစ်ကောင်စီ၏ ခမရ ၁၉ နှင့် ခလရ ၈၄ တပ် အတွင်းမှ စစ်တောင်းမြစ်အရှေ့ဘက်ကမ်းရှိ ရွာသစ်ကျေးရွာတွင်းသို့ (၁)နာရီကျော်ကြာအောင် လက် နက်ကြီးများဖြင့် ပစ်ခတ်တိုက်ခိုက်မှုကြောင့် ပြည်သူ့ကာကွယ်ရေး ပူးပေါင်းတပ်ဖွဲ့ဝင် ၃ ဦး မစိုးရိမ်ရ ဒဏ်ရာရရှိခဲ့ကြောင်း သိရသည်။
အလားတူ မကွေးတိုင်း၊ ရေစကြိုမြို့နယ်၊ ဇီးတောရွာရှိ ပျူစောထီးစခန်းကို လက်နက်ကြီးများဖြင့် ပစ်ခတ် တိုက်ခိုက်ရာ ပျူစောထီး ၁ ဦးသေဆုံးကြောင်း MRTF တပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
မတ်လ ၂၂ ရက်နေ့ ည ၉ နာရီ ၄၈ မိနစ်ခန့်တွင် ရေစကြိမြို့နယ်၊ ဇီးတောရွာရှိ ပျူစောထီး စခန်းကို ဒေသကာကွယ်ရေး တပ်ဖွဲ့များက ၈၀ မမ ၊ ၁၂၀ မမ လက်နက်ကြီးများဖြင့် ပစ်ခတ် တိုက်ခိုက်ခဲ့ပြီး ပျူစောထီး ၁ ဦး သေဆုံးကာ ၅ ဦးခန့် ထိခိုက်ဒဏ်ရာရရှိခဲ့ကြောင်း သိရသည်။
” စစ်ခွေးတွေကို လက်နက်ကြီးတွေနဲ့ ပစ်ခတ်ပြီးနောက် အပြန်းအလှန် ပစ်ခတ်မှုတွေ ဖြစ်ပွားခဲ့တယ်။ မြေပြင်ထိတွေ့မှုမှာ တော်လှန်ရေး ရဲဘော်တွေ အထိအခိုက်မရှိပါဘူး။ ပျူစောထီး သင်တန်းဆင်း တစ်ကောင်သေတယ်။ ခွေးထောက်ပို့ပျူရွာက ၅ ဦးဒဏ်ရာရတယ်”ဟု MRTF တပ်ဖွဲ့မှ တာဝန်ရှိသူ တစ်ဦးကပြောဆိုသည်။
အဆိုပါ တိုက်ခိုက်မှုကို တပ်ရင်း ၁၇ တပ်ပေါင်းစု အထိုင်တပ်ရင်းမှ တပ်ခွဲ ၂ ၊ ရွှေဓားဘိုအဖွဲ့၊ သံမဏိသိန်းဌက် အဖွဲ့၊ မြေလတ်ဒေသအထူးစစ်ဆင်ရေးပျောက်ကျားအဖွဲ့ MRTF နှင့် ရေစကြိုဗိုလ်ချုပ် တပ်ဖွဲ့တို့ပူးပေါင်း လုပ်ဆောင်ခဲ့ကြောင်း သိရသည်။
