မြဝတီကုန်သွယ်ရေးဇုန် နှင့် သင်္ကန်း ညီနောင်ရဲစခန်းတို့ကို တိုက်ခိုက်မှု ရဲ ၁၁ ဦး သေဆုံးပြီး ဒုရဲမှူး အပါအဝင် ရဲနှင့်မိသားစုဝင် ၈ ဦး ဖမ်းဆီးရမိ
ရန်ကုန်၊ မတ် ၂၇
ကရင်ပြည်နယ်၊ မြဝတီကုန်သွယ်ရေးဇုန် နှင့် သင်္ကန်းညီနောင်ရဲစခန်းကို တိုက်ခိုက်မှု ရဲ ၁၁ ဦး သေဆုံးပြီး ဒုရဲမှူး အပါအဝင် ရဲနှင့်မိသားစုဝင် ၈ ဦး ဖမ်းဆီးရမိကြောင်း ကော်ဘရာစစ်ကြောင်းထံမှ သိရှိရသည်။
မတ်လ ၂၅ ရက်နေ့ နံနက် ၅ နာရီခွဲခန့် မြဝတီကုန်သွယ်ရေးဇုန် နှင့် သင်္ကန်းညီနောင်ရဲစခန်းကို တိုက်ခိုက်မှု ရဲ ၁၁ ဦး သေဆုံးပြီး ဒုရဲမှူး အပါအဝင် ရဲနှင့်မိသားစုဝင် ၈ ဦး ဖမ်းဆီးရမိကြောင်း ၊ လက်နက် ၁၇ လက်နှင့် ခဲယမ်းများ သိမ်းဆည်းရမိကြောင်း ကော်ဘရာစစ်ကြောင်းထံမှ သိရှိရသည်။
စစ်ဆင်ရေးတိုက်ခိုက်မှုတွင် ပြည်သူ့ကာကွယ်ရေးရဲဘော် ရဲဘော် တစ်ဦးကျဆုံးပြီး Cobra စစ် ကြောင်း၊ ကျားသစ်နက်စစ်ကြောင်း နှင့် Federal Wings၊ Golden Eagle၊ ရောင်နီတို့ ပူးပေါင်းပါဝင်ကြောင်း သိရှိရသည်။
ဖမ်းဆီးရမိသူများကို စစ်သုံ့ပန်း ဥပဒေများနှင့်အညီ ဖမ်းဆီးထိန်းသိမ်းထားပြီး နှိပ်စက် ညှဉ်းပန်းမှုများ မရှိကြောင်း သိရှိရသည်။
