Khit Thit သတင်းဌာန၏ မတ် ၁၀ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မတ် ၁၀ ရက် ညနေပိုင်းတင်ဆက်ပေးမယ့်သတင်းတွေကတော့
-မွန်ပြည်နယ်၊ ရေးမြို့နယ်၊ ခံသင်း- တံတားအနီးမှာ ရှိတဲ့ အကြမ်းဖက် စစ်ကောင်စီ တပ်စခန်း ၁ ခုကို ရေးဘီလူးအဖွဲ့ကနေ ဒီကနေ့ မတ်လ ၁၀ ရက်နေ့ မနက်ပိုင်းက တိုက်ခိုက်သိမ်းပိုက်ရာမှာ စစ်ကောင်စီ ဘက်က ၆ ဦး သေသွားတယ်လို့ ရေးဘီလူးအဖွဲ့ခေါင်းဆောင်က ရန်ကုန်ခေတ်သစ်ကို ပြောပါတယ်။
– စစ်ကိုင်းတိုင်း၊ မုံရွာမြို့၊ စက်မှုဇုန်လမ်းခွဲမှာ ကင်းပုန်းဝပ်နေတဲ့ အကြမ်းဖက်စစ်ကောင်စီတပ်သား ၃ ဦးကို ပြည်သူ့ကာကွယ်ရေးတပ်ဖွဲ့တွေက သွားရောက် ပစ်ခတ်တိုက်ခိုက်ရာမှာ စစ်ကောင်စီတပ်သား ၂ ဦး သေသွားတယ်လို့ Golden Eagle Force-Monywa-V2 ရဲ့ တာဝန် ရှိသူတစ်ဦးက ရန်ကုန်ခေတ်သစ် ကို ပြောပါတယ်။
– စစ်ကိုင်း၊ မြင်းမူမြို့နယ်၊ လက်ကပင်- ကျေးရွာကို အကြမ်းဖက် စစ်ကောင်စီတပ်က ဝင်ရောက် စီးနင်းပြီး တဲ့နောက် ပြည်ကြီးတံခွန် ဆရာတော် ဦးအဂ္ဂဝံသ နဲ့ လူငယ်တချို့ကို ဖမ်းဆီးသွားပြီး ၊ လူငယ်တချို့ လည်း သတ်ဖြတ် အလောင်းဖျောက် ခံရတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
