Khit Thit သတင်းဌာန၏ မတ် ၃ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မတ် ၃ ရက် မနက်ပိုင်းတင်ဆက်ပေးမယ့်သတင်းတွေကတော့
-စစ်ကိုင်းတိုင်း၊ ခင်ဦးမြို့နယ်၊ မကျီးအုပ်ရွာကို စစ်ကြောင်းထိုးလာတဲ့စစ်တပ်ကို ခုခံတိုက်ခိုက်ရင်း PDF ရဲဘော် ၂ ဦး မြင့်မြတ်စွာ ကျဆုံးကာ စစ်သား ၁၀ ဦး သေသွားတယ်လို့ ခင်ဦးနယ် ဒေသကာကွယ်ရေး မဟာမိတ်အင်အားစု KURDAF တပ်ဖွဲ့ တာဝန်ရှိသူတစ်ဦးက ရန်ကုန်ခေတ်သစ်မီဒီယာကို ပြောပါတယ်။
– ကယားပြည်နယ်၊ ဘော်လခဲမြို့နယ်အတွင်း စစ်တပ်လက်နက်ကြီးကုန်းစခန်းကို တိုက်ခိုက်သိမ်းပိုက်ရာ စစ်သား ၁၀ ဦး သေသွားပြီး ၁၂၀ မမ လက်နက်ကြီးအပါအဝင် လက်နက် ၁၁ လက်၊ ခဲယမ်းတွေ သိမ်းပိုက်ရရှိခဲ့တယ်လို့ ကရင်နီ စစ်ဘက်ဆိုင်ရာ ဗဟိုသတင်းထုတ်ပြန်ရေးအဖွဲ့ တာဝန်ရှိသူတစ်ဦးက ပြောပါတယ်။
– စစ်ကိုင်းတိုင်း၊ စစ်ကိုင်းမြို့နယ်၊ တာတိုင်ကျေးရွာက ကျေးရွာသား ၁၅ ဦးကို စစ်တပ်က ဖမ်းဆီး သတ်ဖြတ်ခဲ့ပြီး နောက်အလောင်းတွေကြားမှာ မိုင်းနဲ့ ဗုံးတွေ ထောင်ထားခဲ့တဲ့ သတင်းတွေအပါအဝင် နောက်ဆုံးရ သတင်း တွေကို တင်ဆက်ပေးပါမယ်။
