တောင်ကိုရီးယားနိုင်ငံ အင်ချွန်းတွင် တော်လှန်ရေးရန်ပုံငွေ ဖူဆယ်ဘောလုံးပြိုင်ပွဲကျင်းပ
ရန်ကုန်၊ ဧပြီ ၂၅
တောင်ကိုရီးယားနိုင်ငံ အင်ချွန်း ဆောဂူရပ်တွင် ကိုရီးယားရောက် Mara လူငယ်များ အဖွဲ့အစည်းဖြစ်သည့် Korea Mara Welfare (KMW) မှ ဦးစီး၍ နွေဦးတော်လှန်ရေး ရန်ပုံငွေ ဖူဆယ်ဘောလုံးပြိုင်ပွဲကျင်းပခဲ့ကြသည်။
စစ်အာဏာရှင်အမြစ်ပြတ်ချေမှုန်းရေး၊ စစ်ဘေးရှောင်ပြည်သူ၊ကလေးသူငယ်များအတွက် ပညာရေး၊စားဝတ်နေရေး လိုအပ်ချက်များ၊ တော်လှန်ရေးအတွက်အထောက်ကူဖြစ်စေသောအရာများဖြည့်ဆည်းရန်လိုအပ်သော ရန်ပုံငွေအတွက် နွေဦးတော်လှန်ရေး ရန်ပုံငွေ ဖူဆယ်ဘောလုံးပြိုင်ပွဲပြုလုပ်ခြင်းဖြစ်ကြောင်း သိရှိရသည်။
ပွဲတွင် အမျိုးညီညွတ်ရေးအစိုးရမှ တောင်ကိုရီးယားနိုင်ငံ ကိုယ်စားပြု ဦးရန်နိုင်ထွန်းမှ Chief Guest အဖြစ်ဆောင်ရွက်ပေးခဲ့ပြီး Guest of honor အဖြစ် ဆရာ ဘက်စုံ ( Phatsung) မှဆောင်ရွက်ခဲ့ကြကြောင်း၊ အနိုင်ရရှိအသင်းဖြစ်သည့် HERO FC မှ တော်လှန်ရေးရန်ပုံငွေအဖြစ် ဆုငွေထဲမှ ကိုရီးယားဝမ် ၃ သိန်း၊ Guest of honor ဆရာ ဘက်စုံမှ ကိုရီးယားဝမ် ၂သိန်းကို Korea MARA Welfare(KMW) ဆီသို့ ထောက်ပို့ခဲ့ကြောင်း သိရှိရသည်။
