“တရားမဝင်အာဏာသိမ်း သက်တမ်းလွန်ကာကွယ်ရေးရာထူးကို ရူးသွပ်ပြီး သမ္မတရာထူးကို မတန်မရာမှန်းနေတဲ့ ဖက်ဆစ်မင်းအောင်လှိုင်အောက်မှာ ဆက်ပြီးအနာဂတ်ပျောက်နေတဲ့ဘဝတွေကယ်ထုတ်ဖို့ ကျနော်တို့ အားလုံး အဆင်သင့်ဖြစ်နေပြီ “
ဗိုလ်ကြီးဟောင်းနေမျိုးဇင် နှင့်တွေ့ဆုံမေးမြန်းခြင်း
By ရန်ကုန်ခေတ်သစ်
နိုင်ငံတော်အကြည်ညိုပျက်စေမှု ပုဒ်မ ၅၀၅(က)နဲ့ အာဏာမသိမ်းခင် ၂ဝ၁၉ ခုနှစ်ကအကျဉ်းကျခံခဲ့ရတဲ့ နိုင်ငံရေး တက်ကြွလှုပ်ရှားသူ ဗိုလ်ကြီးဟောင်းနေမျိုးဇင်ဟာ ပြီးခဲ့တဲ့ ၂ဝ၂၂ခုနှစ် သြဂုတ်လက ပြန်လွတ် လာခဲ့ပါတယ်။
ဒီလိုလွတ်လာပေမယ့် အကြမ်းဖက်စစ်ကောင်စီက ဆန္ဒပြပွဲတွေလုပ်မှာစိုးလို့ဆိုပြီး မြို့နယ်ကျော် သွားလာမှု ကန့်သတ်ခံရတဲ့အပြင် စစ်တပ်ခေါင်းဆောင်တွေကို ဝေဖန်ပြောဆိုတာ မလုပ်ပါဆိုတဲ့ ခံဝန်ကတိနဲ့နေထိုင် ခဲ့ရပါတယ်။
ဗိုလ်ကြီးနေမျိုးဇင်ဟာ စစ်အုပ်ချုပ်မှုအောက်မှာ မနေလိုတဲ့အပြင် စစ်အာဏာရှင်ဆန့်ကျင် တော်လှန်ရေးမှာ ပူးပေါင်းပါဝင်လိုတာကြောင့် ဧပြီလဆန်းပိုင်းက လွတ်မြောက်နယ်မြေကိုရောက်ရှိခဲ့ပါတယ်။ ဒီလိုလွတ်မြောက်နယ်မြေကိုရောက်လာတဲ့ ဗိုလ်ကြီးဟောင်းနေမျိုးဇင်ကို လက်ရှိမြန်မာနိုင်ငံရဲ့အခြေအနေတွေ ထောင်တွင်းကြုံတွေခဲ့ရတာတွေနဲ့ တော်လှန်ရေးမှာ ပူးပေါင်းဆောင်ရွက်မယ်အခြေအနေကို ရန်ကုန်ခေတ်သစ် ကဆက်သွယ်မေးမြန်းထားပါတယ်။
