သာကေတမြို့နယ် ခန်းမရှေ့တွင် တော်လှန်လူငယ်များက “ဖက်ဆစ် တန်ခူး ဒို့မမြူး” စာတန်း ချိတ်ဆွဲ
ရန်ကုန်၊ ဧပြီ ၁၁
ရန်ကုန်၊ သာကေတမြို့နယ် ခန်းမရှေ့တွင် ယနေ့ ဧပြီလ ၁၁ ရက်နေ့တွင် “ဖက်ဆစ် တန်ခူး ဒို့မမြူး” စာတန်း ချိတ်ဆွဲခဲ့ကြောင်း သိရသည်။
အဆိုပါ စာတန်းကို သာကေတမြို့နယ် ကျောင်းသားများသမဂ္ဂ (ဗကသ များအဖွဲ့ချုပ်)နှင့် မဟာမိတ်များဖြစ်ကြသည့် ဂဠုန်နီ ပြည်သူ့ အကျိုးပြု လူငယ်အဖွဲ့အစည်း (RGY)၊ အထက ၂ သာကေတ ကျောင်းသားများသမဂ္ဂ (ဗကသ)၊ အထက ၃ သာကေတ ကျောင်းသားများသမဂ္ဂ (ဗကသ) နှင့် သာကေတမြို့နယ် အခြေခံပညာ ကျောင်းသားများ သပိတ်ကော်မတီတို့က ပူးပေါင်းကာ ဖက်ဆစ် စစ်တပ်က ဦးဆောင်လုပ်မည့် သင်္ကြန်ပွဲ ပြည်သူများ မပါ၀င်ကြရန် လူထု လှုပ်ရှားမှု တစ်ရပ်ပြုလုပ်ခြင်း ဖြစ်ကြောင်း သိရှိရသည်။
