ဖလမ်း-ဟားခါး လမ်းပိုင်းတွင် တိုက်ပွဲဖြစ်ပွားပြီး စစ်သား ၉ ဦးသေဆုံး
ရန်ကုန်၊ ဧပြီ ၆
ဖလမ်း-ဟားခါး လမ်းပိုင်းတွင် တိုက်ပွဲဖြစ်ပွားပြီး စစ်သား ၉ ဦး သေဆုံးခဲ့ကြောင်း ချင်းအမျိုးသား ကာကွယ်ရေး တပ်ဖွဲ့ (CNDF) ထံမှ သိရသည်။
ဧပြီလ ၅ ရက်နေ့တွင် ဖလမ်း-ဟားခါး လမ်းပိုင်း၌ အကြမ်းဖက် စစ်တပ် စစ်ကြောင်းကို CNDF နှင့် CNA တို့က ပူးပေါင်း တိုက်ခိုက်ခဲ့ခြင်းဖြစ်ပြီး စစ်သား ၉ ဦးထက်မနည်း သေဆုံးကာ အများအပြား ထိခိုက်ဒဏ်ရာရရှိခဲ့ကြောင်း သိရသည်။
ထို့ပြင် ကလေးမြို့နယ်၊ ချင်းစုကျေးရွာတွင်လည်း ထိတွေ့ တိုက်ပွဲများ ဖြစ်ပွားနေပြီး ကာကွယ်ရေး တပ်ဖွဲ့များ အနေဖြင့် လိုအပ်မှုများစွာရှိနေပြီး ပြည်သူများအနေဖြင့် ကူညီအားဖြည့်ပေးရန် တောင်းဆိုအပ်ကြောင်း Chin National Defense Force (CNDF) က ထုတ်ပြန်ထားသည်
