စစ်ကိုင်း၊ တလိုင်းရွာကို စီးနင်းဖျက်ဆီးနေသည့် စစ်တပ်ကို PDF ကတိုက်ခိုက်၊ စစ်တပ်က Mi 35 ရဟတ်ယာဥ်ဖြင့်ပါ ပစ်ခတ်
ရန်ကုန်၊ ဧပြီ ၈
စစ်ကိုင်းတိုင်း၊ စစ်ကိုင်းမြို့နယ်၊ တလိုင်းရွာကို စီးနင်းဖျက်ဆီးနေသည့် အကြမ်းဖက် စစ်တပ်နှင့် PDF တပ်ဖွဲ့များ တိုက်ပွဲဖြစ်ပွားခဲ့ကြောင်း ဂဠုန်မင်း ပြောက်ကျားတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ဧပြီလ ၈ ရက်နေ့ မွန်းလွဲ ၂ နာရီမှ စတင်ကာ စစ်ကိုင်းမြို့နယ်၊ တလိုင်းရွာကို စီးနင်းဖျက်ဆီးနေသည့် အကြမ်းဖက် စစ်တပ်နှင့် PDF တပ်ဖွဲ့များ တိုက်ပွဲဖြစ်ပွားပြီး အကြမ်းဖက် စစ်တပ်က Mi 35 ရဟတ်ယာဥ်ဖြင့် လာရောက် ပစ်ခတ်ခဲ့ကြောင်း၊ တိုက်ပွဲအတွင်း စစ်သားများ ထိခိုက် သေဆုံးမှု အရေအတွက်ကို အတည်မပြုနိုင်သေးဘဲ မွန်းလွဲ ၄ နာရီခန့်တွင် တိုက်ပွဲပြီးဆုံးခဲ့ကြောင်း သိရသည်။
” တလိုင်းရွာကို ဝင်ရောက် ဖျက်စီးခဲ့တဲ့ အကြမ်းဖက် စစ်ခွေးတွေကို ဂဠုန်မင်း ပြောက်ကျားတပ်ဖွဲ့နဲ့ ကောင်းကင်တပ်ဖွဲ့တို့က ဝင်ရောက် တိုက်ခိုက်ခဲ့တယ်။ စစ်ခွေးတွေ ဘက်က Mi 35 ရဟတ်ယာဥ်နဲ့ ပြန်လည် တိုက်ခိုက်တာတွေပြုလုပ်ခဲ့တယ်။ နေအိမ်တွေ ထိခိုက် ပျက်စီးတာတော့ရှိတယ်။ စစ်ခွေးတွေရဲ့ အကျအဆုံး အထိအခိုက်တော့ မသိရ သေးဘူး။ ကျွန်တော်တို့ကတော့ အထိအခိုက်အကျအဆုံးမရှိပါဘူး” ဟု ဂဠုန်မင်း ပြောက်ကျားတပ်ဖွဲ့မှ တာဝန်ရှိသူ တစ်ဦးက ပြောဆိုသည်
