ဖားကန့်တွင် KPDF တပ်ဖွဲ့ဝင်များက တော်လှန် သင်္ကြန် သံချပ်နှင့် စစ်အာဏာရှင် ဆန့်ကျင်ရေး လှုပ်ရှားမှု ပြုလုပ်
ရန်ကုန်၊ ဧပြီ ၁၂
ကချင်ပြည်နယ်၊ ဖားကန့်မြို့တွင် ယနေ့ ဧပြီ ၁၂ ရက် နေ့၌ KPDF တပ်ဖွဲ့ဝင်များက တော်လှန် သကြန် သံချပ်၊ KIA၊ PDF၊ NUG ထောက်ခံပွဲနှင့် စစ်အာဏာရှင် ဆန့်ကျင်ရေး လှုပ်ရှားမှု ပြုလုပ်ခဲ့ကြောင်း သိရသည်။
KPDF တပ်ဖွဲ့ဝင်များက ပြည်သူများ သွေးစွန်းသကြန်တွင် မပါဝင်ကြရန်၊ စစ်အာဏာရှင်ဆန့်ကျင်ရေးတွင် သွေးမအေးသွားကြပဲ တော်လှန်ရေး အောင်မြင်သည့် အထိ ပြည်သူတရပ်လုံးအင်တိုက်အားတိုက်ပူးပေါင်းပါဝင်ပေးကြရန် နှိုးဆော်ခဲ့ကြောင်း၊ စစ်ကိုင်းတိုင်း ကန့်ဘလူမြို့နယ် ပဇီကြီးကျေးရွာ တွင် စစ်ကောင်စီ တပ်ဖွဲ့ က လေကြောင်းတိုက်ခိုက်မှုကြောင့် ကျဆုံးသွားသည့် ပြည်သူ များ အတွက် ဝမ်းနည်းခြင်း အခမ်းအနားလည်း ပြုလုပ်ခဲ့ကြောင်း သိရသည်။
