ကန့်ဘလူ ခရိုင်တွင် ၂ ရက်ဆက် တိုက်ပွဲဖြစ်ပွားပြီး စစ်တပ်ဘက်မှ ၁၄ ဦးသေဆုံး
ရန်ကုန်၊ ဧပြီ ၁၅
စစ်ကိုင်းတိုင်း၊ ကန့်ဘလူခရိုင်တွင် ၂ ရက်ဆက် တိုက်ပွဲဖြစ်ပွားပြီး စစ်တပ်ဘက်မှ ၁၄ ဦးသေဆုံးကြောင်း ကျွန်းလှ တက်ကြွ လှုပ်ရှား သူများအဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ဧပြီလ ၁၃ ရက်နေ့တွင် ကန့်ဘလူခရိုင် ကျွန်းလှမြို့နယ် သဖန်းဆိပ်ဆည် အရှေ့ဘက်ခြမ်းရှိ ရွှေတောင် ကျေးရွာ၌ တပ်စွဲထားသော ပျူစောထီးများကို တော်လှန်ရေး တပ်ဖွဲ့များက ဝင်ရောက် တိုက်ခိုက်ခဲ့ပြီး ကျေးရွာ အုပ်ချုပ်ရေးမှူး အပါအဝင် ပျူစောထီး ၆ ဦး သေဆုံးကာ လက်နက်အချို့ သိမ်းဆည်း ရမိခဲ့ကြောင်း သိရသည်။
ဧပြီလ ၁၄ ရက်နေ့ နံနက် ၉ နာရီ ၄၅ မိနစ်ခန့်တွင် ကန့်ဘလူမြို့နယ်၊ ကန့်ဘလူ–ထန်းကုန်းလမ်းပိုင်း၌ စစ်သားနှင့် ပျူစောထီးများ လိုက်ပါလာသည့် ကား ၂ စီးကို Kanbalu Underground Warriors နှင့် မဟာမိတ်ပြည်သူ့ကာကွယ်ရေး တပ်ဖွဲ့များမှ စောင့်ကြို တိုက်ခိုက်ခဲ့ပြီး စစ်သားနှင့် ပျူစောထီး ၈ ဦး ထိခိုက်သေဆုံးခဲ့ကြောင်း သိရသည်။
” ကန့်ဘလူ ခရိုင်ထဲမှာ ၂ ရက်ဆက်တိုက်ပွဲဖြစ်ပွားခဲ့တယ်။ ကျွန်းလှမြို့နယ် သဖန်းဆိပ်ဆည်နားက ရွှေတောင် ကျေးရွာ ပျူစောထီးတွေကို ဝင်တိုက်တာ ပျူခွေး ၆ ကောင် သေတယ်လို့ သိရတယ်။ ကန့်ဘလူ တိုက်ခိုက်မှုကတော့ စစ်ခွေးနဲ့ ပျူခွေး ၈ ကောင်သေတယ်လို့ သိရတယ်” ဟု ကျွန်းလှ တက်ကြွ လှုပ်ရှား သူများအဖွဲ့မှ တာဝန်ရှိသူ တစ်ဦးကပြောဆိုသည်။
