တီးတိန်မြို့နယ်ရှိ CNA တပ်မဟာ ၄ စခန်းကို စစ်တပ်က ဗုံးကျဲ တိုက်ခိုက်မှု CNA ရဲဘော် ၂ ဦး ကျဆုံး
ရန်ကုန်၊ ဧပြီ ၂၁
ချင်းပြည်နယ်၊ တီးတိန်မြို့နယ်ရှိ ချင်းအမျိုးသားတပ်မတော် (CNA) တပ်မဟာ ၄ စခန်းကို အကြမ်းဖက် စစ်တပ်က ဗုံးကျဲ တိုက်ခိုက်ခဲ့ရာ CNA ရဲဘော် ၂ ဦး ကျဆုံးခဲ့ကြောင်း ဒေသတွင်း သတင်းရင်းမြစ်ဖြစ်သည့် The Chin Journal မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ယနေ့ ဧပြီလ ၂၁ ရက်နေ့ နံနက် ၁၁ နာရီ ၄၅ မိနစ် ခန့်တွင် CNA တပ်မဟာ ၄ စခန်းကို အကြမ်းဖက် စစ်တပ်က တိုက်လေယာဥ်ဖြင့် ၂ ကြိမ် ဗုံးကျဲ တိုက်ခိုက်ခဲ့ကြောင်း၊ ယင်း တိုက်ခိုက်မှုကြော င့်CNA တပ်ဖွဲ့မှ ဒုဗိုလ် ဆလိုင်းကိုရိန်နှင့် ဆေးတပ်ကြပ်ကြီး မိုင်မေကံဟွေ့တို့ ၂ ဦး တိုင်းပြည်နှင့် လူမျိုး အတွက် အသက်ပေး ကျဆုံးခဲ့ကြောင်း သိရသည်။
ထို့ပြင် CNA ရဲဘော် အမျိုးသား ၃ ဦးနှင့် အမျိုးသမီး ၂ ဦးတို့လည်း ထိခိုက် ဒဏ်ရာထားပြီး မြေပြင် အခြေအနေ အသေးစိတ်ကို အတည်မပြုနိုင်သေးကြောင်း သိရှိရသည်။
Photo – The Chin Journal
