Khit Thit သတင်းဌာန၏ ဧပြီ ၁၈ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဧပြီ ၁၈ ရက် ညနေပိုင်းတင်ဆက်ပေးမယ့်သတင်းတွေကတော့
-ရန်ကုန်တိုင်း၊ သန်လျင်မြို့နယ်၊ ထန်းပင်ကုန်းရပ်ကွက်၊ ထန်းပင်ကုန်းလမ်းမှာရှိတဲ့ နေအိမ်မှာ အကြမ်း ဖက် စစ်ကောင်စီရဲ့ မင်္ဂလာဒုံ လေတပ် စစ်လက်နက် ပစ္စည်းထောက်ပံ့ရေးတပ် (လပစ)က တပ်မှူး/ ဌာနခွဲမှုး ဒုတိယဗိုလ်မှူးကြီး ကျော်စွာထွန်း ဆိုသူ နဲ့ အပေါင်း အပါ ၂ ဦး ပစ်ခတ်ရှင်းလင်းခံရပြီး သေသွားတယ်လို့ သိရပါတယ်။
– ကရင်ပြည်နယ်၊ မြဝတီမြို့နယ်၊ တောင်ပိုင်းတိုင်း-စစ်ဒေသ၊ မဲကနယ် အတွင်းကို KNU ယူနီဖောင်း ဝတ်ပြီး ပုံမှားရိုက်တဲ့ အကြမ်းဖက် စစ်ကောင်စီတပ်ကို Venom PDF စစ်ကြောင်းကနေ တိုက်ခိုက် ရာမှာ အကြမ်းဖက် စစ်ကောင်စီတပ်သား ၂ ဦး သေပြီး ၊ လက်နက် ၂ လက်ကိုပါ သိမ်းဆည်း ရရှိခဲ့တယ် လို့ VENOM Column စစ်ကြောင်းရဲ့ သတင်းနှင့် ပြန်ကြား ရေး တာဝန်ခံက ရန်ကုန်ခေတ်သစ်ကို ပြောပါတယ်။
– မကွေးတိုင်း၊ ဆိပ်ဖြူမြို့နယ်၊ ကန်စွန်းမ- ရွာမှာရှိတဲ့ အကြမ်းဖက် စစ်ကောင်စီရဲ့ အမှတ် ၂၁ ကာကွယ် ရေးပစ္စည်းစက်ရုံကို PDF တပ်ဖွဲ့တွေကနေ ရှော့တိုက်ဒုံးနဲ့ ပစ်ခတ်တိုက်ခိုက် ခဲ့တယ်လို့ NUG အစိုးရ ကာကွယ်ရေးဝန်ကြီးဌာန ဆီကနေ သိရပါတယ်။ – မန္တလေးတိုင်း၊ မတ္တရာမြို့နယ်၊ ပိုဝတောင်ရွာအတွင်း ဝင်ရောက်တပ်စွဲထားတဲ့ အကြမ်းဖက် စစ်ကောင်စီတပ်သားတွေကို ပြည်သူ့ကာကွယ်ရေးတပ်ဖွဲ့တွေကနေ ၄ ရက် ဆက်တိုက် ဒရုန်းနဲ့ ဗုံးကျဲတိုက်ခိုက်ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
