အကြမ်းဖက် မင်းအောင်လှိုင်၏ ဖိတ်ကြားချက်အရ ရုရှားအစိုးရကိုယ်စားလှယ်အဖွဲ့ ယနေ့ နံနက် ၁ နာရီအချိန် နေပြည်တော်သို့ ရောက်ရှိလာ
ရန်ကုန်၊ မေ ၃
အကြမ်းဖက်မင်းအောင်လှိုင်၏ ဖိတ်ကြားချက်အရ ရုရှားအစိုးရကိုယ်စားလှယ်အဖွဲ့ တစ်ဖွဲ့သည် မေလ ၃ ရက်နေ့ နံနက် ၁ နာရီအချိန်တွင် နေပြည်တော်သို့ ရောက်ရှိလာကြောင်း နေပြည်တော် စစ်ဘက်သတင်းရင်းမြစ်က ပြောသည်။
မေလ ၃ ရက်နေ့ နံနက် ၁ နာရီအချိန်တွင် ရုရှားအစိုးရ ကိုယ်စားလှယ်အဖွဲ့လိုက်ပါသော လေယာဉ်သည် နေပြည် တော် လေဆိပ်သို့ ဆိုက်ရောက်လာခြင်းဖြစ်ပြီး အကြမ်းဖက်မင်းအောင်လှိုင်နှင့် ယနေ့ တွေ့ဆုံမည်ဖြစ်ကြောင်း၊ ယင်းနောက် ယနေ့နေ့ချင်းပြန် ပြန်လည်ထွက်ခွာမည်ဖြစ်ကြောင်း သိရှိရသည်။
အကြမ်းဖက် မင်းအောင်လှိုင်၏ ဖိတ်ကြားချက်အရ ရုရှားအစိုးရကိုယ်စားလှယ်အဖွဲ့ နေပြည်တော်လာရောက်ချိန်သည် တရုတ်နိုင်ငံခြားရေးဝန်ကြီးနှင့် နိုင်ငံတော်ကောင်စီဝင် Qin Gan မြန်မာနိုင်ငံလာရောက်နေချိန်နှင့်လည်း တိုက်ဆိုက်နေသည်။
တရုတ်နိုင်ငံခြားရေးဝန်ကြီးနှင့် နိုင်ငံတော်ကောင်စီဝင် Qin Gan သည် အကြမ်း ဖက်စစ်ကောင်စီ၏ ဖိတ်ကြားချက်အရ မြန်မာနိုင်ငံသို့ မေလ ၂ ရက်နေ့မှ မေလ ၄ ရက်နေ့အထိ လာရောက်နေခြင်းဖြစ်သည်။
