အကြမ်းဖက် စစ်ကောင်စီက သေဒဏ် ချမှတ်ထားသည့် အကျဉ်းသား/အကျဉ်းသူ ၃၈ ဦးကို ထောင်ဒဏ် တစ်သက်သို့ ပြောင်းလဲကျခံရမည်ဟု ကြောညာ
ရန်ကုန်၊ မေ ၃
အကြမ်းဖက် စစ်ကောင်စီက သေဒဏ် ချမှတ်ထားသည့် အကျဉ်းသား/အကျဉ်းသူ ၃၈ ဦးကို ထောင်ဒဏ် တစ်သက်သို့ ပြောင်းလဲကျခံရဟု ယနေ့တွင် ကြေညာခဲ့သည်။
စစ်ကောင်စီ၏ ဖွဲ့စည်းပုံ အခြေခံ ဥပဒေ ပုဒ်မ ၂၀၄၊ ပုဒ်မခွဲ (က) အရ အကျဥ်းထောင် အသီးသီးတွင် သေဒဏ် ပြစ်ဒဏ် ချမှတ်ထားသူ ၃၈ ဦးကို ကဆုန်လပြည့် ဗုဒ္ဓနေ့ အထိမ်းအမှတ် အဖြစ် သေဒဏ်ပြစ်ဒဏ်မှ ထောင်ဒဏ် တစ်သက်သို့ ပြောင်းလဲလိုက်သည်ဟု အကြမ်းဖက် စစ်ကောင်စီ၏ ကြောညာချက်တွင် ပါရှိသည်။
နိုင်ငံရေး အကျဉ်းသားများ ကူညီ စောင့်ရှောက်ရေးအသင်း AAPP ထုတ်ပြန်ထားသည့် စာရင်းများအရ အကြမ်းဖက် စစ်ကောင်စီ အာဏာသိမ်းယူသည့် အချိန်မှစ၍ သေဒဏ် ချမှတ်ခံထားရသူ ၁၅၄ ဦးရှိကြောင်းသိရသည်။
အကြမ်းဖက် စစ်ကောင်စီသည် ယနေ့ ကဆုန်လပြည့်နေ့တွင် ပုဒ်မ ၅၀၅ က နှင့် ထောင်ဒဏ်ချမှတ်ထားသူ ၂၁၅၃ ဦးကို လွတ်ငြိမ်းခွင့်ပေးကြောင်း ထုတ်ပြန်ထားသော်လည်း ပြန်လည် ဖမ်းဆီးမှုများရှိကြောင်း သိရသည်။
