စစ်တွေမြို့၊ မိဇံရပ်ကွက်မှ ပြည်သူများ မုန်တိုင်းရှောင် ခိုလှုံရာ စာသင်ကျောင်း မုန်တိုင်းဒဏ်ကြောင့် အမိုးတွေလန်၊ ထပ်ခိုးတွေကွာကျ၊ မှန်တွေကွဲလို့ ပြည်သူတွေလည်း နေရာပျောက်နေ
ရန်ကုန်၊ မေ ၁၄
ရခိုင်ပြည်နယ်၊ စစ်တွေမြို့၊ မိဇံရပ်ကွက်မှ မုန်တိုင်းရှောင် ပြည်သူများ ယာယီခိုလှုံရာ စာသင်ကျောင်း မုန်တိုင်းဒဏ်ကြောင့် အမိုးများလန်၊ ထပ်ခိုးများ ကွာကျ၊ မှန်များ ကွဲသဖြင့် ပြည်သူများ တိမ်းရှောင်ရန် နေရာပျောက်နေကြောင်း သိရှိရသည်။
စစ်တွေမြို့၊ မိဇံရပ်ကွက်မှ ပြည်သူတချို့က မုန်တိုင်းတိမ်းရှောင်ရန် မိဇံစာသင် ကျောင်းလာရောက်ပြီး ခိုလှုံနေကြချိန် စာသင်ကျောင်းသည် မုန်တိုင်းတိုက်ခိုက်မှုကြောင့် မျက်နှာကျက် ထပ်ခိုးများ ကွာကျ၊ ပြတင်းမှန်များ ကွဲ၊ မိုးများယိုသဖြင့် ပြည်သူတချို့ထိခိုက်ပြီး ခိုလှုံရာ ပျောက်ဆုံးနေကြောင်း သိရှိရသည်။
