တိုကျိုမြို့ရှိ တရုတ်သံရုံးရှေ့တွင် ပြည်ပရောက် မြန်မာနိုင်ငံသားများက တရုတ်ကွန်မြူနစ် အစိုးရကို ကန့်ကွက်ကြောင်း ဆန္ဒပြ
ရန်ကုန်၊ မေ ၁၆
ဂျပန်နိုင်ငံ၊ တိုကျိုမြို့ရှိ တရုတ်သံရုံးရှေ့၌ ဂျပန်ရောက် မြန်မာ နိုင်ငံသားများက ယနေ့ မေလ ၁၆ ရက်နေ့တွင် အကြမ်းဖက် စစ်အုပ်စုကို ထောက်ခံသည့် တရုတ်ကွန်မြူနစ် အစိုးရကို ကန့်ကွက်ကြောင်း ဆန္ဒပြခဲ့သည်ဟု သိရသည်။
မြန်မာ့ ပြည်တွင်းရေးကို ဝင်ရောက် စွက်ဖက်နေမှုများ ချက်ချင်းရပ်တန့်ရန်နှင့် ဖက်ဆစ် စစ်တပ်ကို ထောက်ခံအားပေးကာ မြန်မာပြည်သူများအား အကြမ်းဖက်သတ်ဖြတ်နေမှုများ၊ မြန်မာ့ဒီမိုကရေစီ အသွင်ကူးပြောင်းရေးကို နှောက်ယှက်ဟန့်တားနေမှုများအတွက် မြန်မာပြည်သူများ၏ သဘောထားဆန္ဒကို ထင်ဟပ်စေသော သတိပေးစာအား တရုတ်ကွန်မြူနစ်သံရုံးသို့ ပေးပို့ခဲ့ကြောင်း သိရှိရသည်။
