Khit Thit သတင်းဌာန၏ မေ ၂၅ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မေ ၂၅ ရက် ညနေပိုင်းတင်ဆက်ပေးမယ့်သတင်းတွေကတော့
-စစ်ကိုင်းတိုင်း၊ ဗန်းမောက်မြို့နယ်၊ ကြောင်လည်ရွာ အနီးမှာ အကြမ်းဖက် စစ်ကောင်စီတပ်နဲ့ တော်လှန်ရေးအင်အားစုတပ်ဖွဲ့တွေကြား တိုက်ပွဲအတွင်း အကြမ်းဖက် စစ်ကောင်စီဘက်က စစ်ဗိုလ် ၁ ဦး အပါအဝင် အယောက် ၂၀ နီးပါး သေသွားတယ်လို့ Banmauk Revolution BR တပ်ဖွဲ့ရဲ့ တာဝန်ရှိသူတစ်ဦးက ရန်ကုန်ခေတ်သစ်ကိုပြောပါတယ်။
– မွန်ပြည်နယ်၊ ကျိုက်ထိုမြို့နယ်မှာရှိတဲ့ ရွာပေါင်း ၂၅ ရွာက ပြည်သူတွေ အသုံးပြုနေတဲ့ ရွာချင်းဆက် လမ်းပိုင်းကို PDF တွေ လာတိုက်မှာစိုးရိမ်ပြီး အကြမ်းဖက် စစ်ကောင်စီတပ်က မေလ ၂၄ ရက်နေ့မှာ လည်း ထပ်မံ ဖျက်ဆီးခဲ့တယ်လို့ Kyaikhto information Team ရဲ့ တာဝန် ရှိသူ တစ်ဦးက ရန်ကုန်ခေတ်သစ် ကိုပြောပါတယ်။
– ရန်ကုန်တိုင်း၊ အလုံမြို့နယ်က သခင်မြပန်းခြံအနီးမှာ ဒီကနေ့ မေလ ၂၅ ရက်နေ့ မနက် ၁၁ နာရီ ခွဲဝန်းကျင်လောက်က အကြမ်းဖက် စစ်ကောင်စီတပ်သားတွေ ဝင်ရောက် စစ်ဆေးတဲ့အချိန် ဗုံးပေါက်ကွဲမှုဖြစ်ပွားခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
