ဆားလင်းကြီးမြို့နယ်ရှိ ကျေးရွာ ၅ ရွာကျော်ကို စစ်တပ်က စစ်ကြောင်းထိုး စီးနင်းနေပြီး ပြည်သူ ၅၀၀၀ ကျော် ထွက်ပြေး တိမ်းရှောင်နေရ
ရန်ကုန်၊ ဇွန် ၄
စစ်ကိုင်းတိုင်း၊ ဆားလင်းကြီးမြို့နယ်ရှိ ကျေးရွာ ၅ ရွာကျော်ကို စစ်တပ်က စစ်ကြောင်းထိုး စီးနင်းနေကြောင်း အညာပစ်တိုင်းထောင်လေးများ အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ဇွန်လ ၄ ရက်နေ့ နံနက် ၉ နာရီ ကျော်ခန့်က စတင်ကာ အကြမ်းဖက် စစ်တပ်က ဆားလင်းကြီးမြို့နယ်ရှိ ညောင်ပင်ကြီး ကျေးရွာကို စစ်ကြောင်းထိုး စီးနင်းလာသောကြောင့် ကျေးရွာ ၅ ရွာကျော်က ပြည်သူ ၅၀၀၀ ကျော် ထွက်ပြေး တိမ်းရှောင် နေရကြောင်း သိရသည်။
” ကျေးရွာ ၅ ရွာကျော်က ပြည်သူ ၅၀၀၀ ကျော်ထွက်ပြေးတိမ်းရှောင်နေရတယ်။ မုံရွာမြို့ကနေ စစ်ခွေး အင်အား ၁၀၀ ကျော်ပါ စစ်ကြောင်းက ညောင်ပင်ကြီးကို စစ်ကြောင်း ထိုးနေတယ်” ဟု အညာပစ်တိုင်းထောင်လေးများ အဖွဲ့မှ တာဝန်ရှိသူ တစ်ဦးကပြောဆိုသည်။
