Khit Thit သတင်းဌာန၏ ဇွန် ၁၂ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဇွန် ၁၂ ရက် ညနေပိုင်းတင်ဆက်ပေးမယ့်သတင်းတွေကတော့
-ကရင်နီပြည် ကြားကာလ အုပ်ချုပ်ရေးကောင်စီ ဖွဲ့စည်း ပေါ်ပေါက်လာမှုဟာ အနာဂတ် ဖက်ဒရယ် ဒီမိုကရေစီ နိုင်ငံတော်သစ်အတွက် အရေးပါတဲ့ ဗဟိုချက်သလို အခြားပြည်နယ်တွေမှာလည်း ပြည်နယ် အုပ်ချုပ်ရေးကောင်စီတွေ ပေါ်ပေါက် လာဖို့မျှော်လင့်တယ်လို့ NUG ယာယီ သမ္မတ ဒူဝါလ ရှီးလက ပြောကြားလိုက်ပါတယ်။
-စစ်ကိုင်းတိုင်းက ဆားတောင်မြို့ပေါ်ကို Zero ပြောက်ကျား တပ်ဖွဲ့ဝင်တွေဟာ လက်နက်အပြည့်အစုံနဲ့ ပြည်သူတွေကြားမှာပဲ လှည့်လည် သွားလာခဲ့သလို ၊ စစ်ကောင်စီတပ် နဲ့ ရဲတွေကတော့ ကတုတ်ကျင်းနဲ့ ဘန်ကာတွေ ထဲကနေ ထွက်မလာတော့ဘူးလို့ Zero ပြောက်ကျားတပ်ဖွဲ့ခေါင်းဆောင် ကိုသက်ကြီးက ရန်ကုန်ခေတ်သစ်ကို ပြောပါတယ်။
-မကွေးတိုင်း၊ စလင်းမြို့နယ်၊ သရက်တော ရဲကင်းစခန်း တိုက်ခိုက်ခံရပြီးတဲ့နောက် အကြမ်းဖက် စစ်ကောင်စီတပ်သားတွေ နဲ့ ရဲတွေအားလုံး စလင်းမြို့ပေါ်ကို ဆုတ်ခွာ ထွက်ပြေးသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
